როგორი საკვები უყვართ ტემპერამენტიან მამაკაცებს



თანამედროვე იაპონელი მეცნიერების მრავალწლიანი დაკვირვებისა და ევროპელი ფსიქოლოგების კვლევის საფუძველზე დაასკვნეს, რომ მამაკაცის ხასიათის ამოცნობა მისი საყვარელი საკვებით შეიძლება.

თევზის კერძების მოყვარული მამაკაცები სიმშვიდითა და გაწონასწორებული ხასიათით გამოირჩევიან. თავშეკავებული ქცევა და საზრიანობა კოლეგებისა და მეგობრების პატივისცემის მოპოვებაში ეხმარებათ.

ამ ტიპის ადამიანები სასიყვარულო ურთიერთობებშიც კი ერთგულებით გამოირჩევიან. ასეთი მამაკაცები ოჯახის საიმედო ბურჯნი არიან, თუმცა გარშემომყოფთა მიმართ რამდენადმე სიცივეს ამჟღავნებენ.

ხილის მოტრფიალენი ემოციურები არიან. მეგობრებს ძალიან ადვილად იძენენ, ამიტომ გარშემო მყოფნი მათ ყურადღებიან, გულისხმიერ და გულშემატკივარ ადამიანებად თვლიან. მათთვის უცხოა პატივმოყვარეობა და ლიდერობისათვის ბრძოლა (მათ შორის ოჯახშიც).

არ უყვართ კონკურენცია და ამიტომ კარიერის გაკეთებას არ ესწრაფვიან. ამჯობინებენ ისეთ პროფესიას, რომელშიც, პირველ ყოვლისა, თავიანთ შემოქმედებით უნარს გამოავლენენ.

იმის გამო, რომ ნაკლებ პატივმოყვარენი არიან, ზოგჯერ დაუდევრად იქცევიან. გრძნობებს მგზნებარედ ავლენენ. ქალის გულს საკმაოდ სწრაფად იპყრობენ, თუმცა მათი დიდხანს შენარჩუნება ყოველთვის არ შეუძლიათ.

ბიფშტექსის მოყვარულები ტემპერამენტიანები და იმპულსურები არიან. მათთვის საერთოდ დამახასიათებელია როგორც აღმასვლა, ასევე მარცხი კარიერაში. მიუხედავად იმისა, რომ არცთუ იშვიათად აღწევენ წარმატებას, თავიანთი ჩანაფიქრისა და წამოწყების ყოველთვის ბოლომდე მიყვანა არ შეუძლიათ.

ასევე მერყევი არიან სიყვარულსა და ოჯახურ ურთიერთობებშიც. ''ხორცისმჭამელებს'' მიდრეკილება აქვთ განსაკუთრებით გულ-სისხლძარღვთა სისტემისა და კუჭ-ნაწლავის ტრაქტის დაავადებებისადმი.

ახალი და მოშუშული ბოსტნეულის კერძები მეტად პატივმოყვარე და ძუნწ მამაკაცებს უყვართ. ყოფა-ცხოვრებაში მშვიდობისმოყვარენი არიან და ჰარმონიულ და მუდმივ პარტნიორობას ესწრაფვიან, ამიტომ ოჯახურ ურთიერთობებში სტაბილურობის მოსურნე ქალებისათვის ჩვეულებრივ სახარბიელო ვარიანტებს წარმოადგენენ. ასეთი ტიპის მამაკაცებს საკუთარ ჯანმრთელობაზე მომეტებული ზრუნვა ახასიათებთ.

ცხიმიანი საჭმელების ფანატები გასაოცრად მკვირცხლები და მოხერხებულები არიან ყოველდღიურ ცხოვრებაში. კარიერაში ხშირად წარმატებას აღწევენ. ასეთი ტიპის მამაკაცები ძალიან გაწაფულები არიან ფლირტში, ადვილად ახერხებენ ქალების გულის მოგებას ან მათთვის თავგზის აბნევას. ჩვეულებრივ, შესანიშნავი საყვარლები არიან, მაგრამ კარგი მეოჯახეები - იშვიათად.

წიწაკის, ცხარე წვნიანებისა და პიკანტური სანელებლების მოყვარულები კიდევ მეტი თავშეუკავებლობით, მგზნებარებითა და შმაგი ტემპერამენტით გამოირჩევიან.

თავგადასავლე-ბისაკენ განსაკუთრებული ლტოლვის დასაკმაყოფილებლად მაღალ რისკთან დაკავშირებულ სამუშაოს ეძებენ. უყვართ მოგზაურობა და სპორტის ექსტრემალური სახეობების დაუფლებას ესწრაფვიან. მათი მთავარი ნაკლია ეგოიზმი და ეგოცენტრიზმი.

ამ ტიპის მამაკაცების ''პილ-პილმოყრილი'' ხასიათი საწინააღმდეგო აზრის გამოვლენასა და შეკამათებას ვერ იტანს. კონფლიქტები აქვთ არა მხოლოდ უცხო ხალხთან, არამედ ახლობლებსა და ნათესავებთანაც. სასიყვარულო ამბებში ხშირად თავქარიანები და არამტკიცენი არიან.

ჟურნალი ''რეიტინგი''

წყარო
































ტექსტის სანახავად გაიარეთ რეგისტრაცია.