მიუხედევად ჩვენი გემოვნებისა, სადღესასწაულო მაგიდას ყველაზე მეტად უხდება თეთრი სუფრა, ქათქათა, გახამებული სუფრა.
მიზანშეწონილია, სუფრის ქვეშ მაგიდას გადავაფაროთ სქელი ქსოვილი, რომელიც მას დაიცავს დაზიანებისაგან და ჭურჭელიც არ იხმაურებს. გამჭვირვალე ცელოფნის გადაფარება არ არის მიზანშეწონილი.
რა თქმა უნდა სადღესასწაულო სუფრაზე უნდა გამოვიტანოთ საუკეთესო ჭურჭელი. სასურველია სუფრის გაწყობა მთლიანი სერვიზით - ერთსახოვანი მოყვანილობის და ფერის ჭურჭელით.
სადღესასწაულო სუფრაზე პირველი თავის კერძები არ მიიტანება, ამიტომ ღრმა თეფშების დაწყობა არ არის საჭირო. მაგიდაზე ვაწყობთ ორ თეფშს, ძირითადი ცხელი საჭმელებისათვის და ზემოდან პატარა თეფშს, საუზმისათვის. მოსახერხებელია რომ შემოვიფარგლოთ ორი სახის თეშით.
შემდეგ ვალაგებთ დანა-ჩანგალს. დანას ვდებთ თეფშის მარჯვენა მხარეს, გალესილი პირით თეფშისაკენ; ჩანგალს ვდებთ მარცხნივ, ამობურცული მხარით ქვევით. თეფშის წინ ვდებთ პატარა დანას (ხილისთვის), ჩანგალს (ტორტისა და სხვა ნამცხვრებისთვის, ჩაის კოვზს (ნაყინისა და სხვა ჩაროზისთვის).
ჭიქებს ვაწყობთ თეფშის წინ, ოდნავ მარჯვნივ, რომ ასარებად მოხერხებული იყოს; სასურველია ჭიქები იყოს ერთი სახის, განსხვავებული მხოლოდ ზომით.
სადღესასწაულო სუფრაზე მიზანშეწონილია ქსოვილის ხელსახოცები, რომლებიც სგვიძლია დავდოთ თეფშის ზევიდან, გვერდით და მივცეთ სხვადასხვა ფორმა. მაგიდაზე ცალკე შგვიძლია მივიტანოთ ქაღალდის ხელსახოცებიც, სპეციალური ჩასალაგებლებით.
სუფრის გასალამაზებლად შეგვიძლია დავდგათ ლარნაკები ყვავილებით. დიასახლისთან ახლოს საჭიროა იდგას პატარა მაგიდა, სადაც მოთავსდება სხვადასხვა ჭურჭელი და სუფრისათვის საჭირო საგნები.
ცივი საჭმელი ადრევე ლაგდება მაგიდაზე. ცენტრალურ ადგილებში იდგმება ოჯახის საფირმო საჭმელები, ისეთნაირად, რომ სუფრის ყველა წევრმა ადვილად დაინახოს და მიწვდეს გადმოსაღებად. აქვე იდგმება სხვადასხვა სახის საწებელები - მარილი, მდოგვი და სხვა.
პური იჭრება პატარა თხელ ნაჭრებად და მიიტანება საპურეებით ან პატარა თეფშებით.
თუ სტუმრად გეწვევათ 5-6 კაცი, ცხელი საჭმელი იდგმება მაგიდაზე ლანგრით, ხოლო თუ სუფრა მრავალრიცხოვანია, საჭიროა ჩამოტარება. მაგიდის თითოეულ წევრთან მიტანა ხდება მარცხენა მხრიდან და სტუმარი ლანგრიდან თავად იღებს საჭმელს სასურველი რაოდენობით.
მჭადი და ღომი მაგიდაზე მიიტანება ცხლად. მჭადი სასურველია გამოცხვეს პატარ-პატარა ნაჭრებად და ლაგდება პურთან, ხოლო ღომი დარიგდება პატარა საუხმის თეფშებით.
სასმელი ბოთლები, გარდა შამპანურისა, სუფრაზე მიტანის წინ გაიხსნება.
კარგად გარეცხილი ხილი სპეციალური ლარნაკებით ჩაიდგმება. თუ სუფრა მრავალრიცხოვანია, ხილი გადანაწილდება რამდენიმე ადგილას.
ტკბილეულის მიტანის წინ საჭიროა სუფრიდან ავიღოთ დაცლილი ჭურჭელი, საწებელები და სხვა. ასევე უნდა მოსუფთავდეს მაგიდის საფარი.
ნახმარი თეფშების, დანა-ჩანგლის და სხვა ჭურჭლის შეცვლა ახლით საჭიროა მოხდეს სწრაფად და ხმაურის გარეშე.
წყარო