პროდუქტები, რომელიც ცხიმის წვას უწყობს ხელს



არსებობს პროდუქტები, რომლებიც ორგანიზმის მიერ ცხიმის წვას აძლიერებს და გახდომის პროცესი უფრო ეფექტურად მიმდინარეობს.

ასეთია მაგალითად ანანასი, უფრო სწორი იქნება თუ ვიტყვით, - ანანასის გული. ანანასი საუკეთესო პარტნიორად ითვლება რამდენიმე ზედმეტი კილოგრამის დაკლების საქმეში. მაგრამ ბრომელაინი, რომელსაც "ცხიმების მჭამელი ენზიმის" სახელითაც მოიხსენებენ, გემრიელი ნაყოფში კი არა, მის გულშია თავმოყრილი, რომელსაც მირთმების დროს ვაჭრით, რადგან მაგარი და მომწაროა. ბრომელაინი შლის ცელულიტის ქსოვილებს და ზედმეტ ცხიმს გამოდევნის, რაც ორგანიზმის დეტოქსიკაციას უწყობს ხელს.

პროდუქტები, რომელიც ცხიმის წვას უწყობს ხელს


დარიჩინი დიეტური თვალსაზრისით არც ისე ცნობილია, არა და ბევრი სასარგებლო თვისება გააჩნია. ის სისხლში შაქრის დონეს ამცირებს, შესაბამისად ეს შაქარი აღარ ჩაილექება ორგანიზმში ცხიმის სახით. თანაც, დარიჩინით ადვილად შეგვიძლია ჩავანაცვლოთ შაქარი ჩაიში, ყავასა და იოგურტში/მაწონში, რაც კიდევ უფრო ამცირებს შაქრის მოხმარებას.

პროდუქტები, რომელიც ცხიმის წვას უწყობს ხელს


რაც არ უნდა გაგვიკვირდეს, ამ სიაში ბადრიჯანიც მოხვდა. ის დიდი რაოდენობით ანტიოქსიდანტებს შეიცავს და ორგანიზმს ცხიმის გადამუშავებას უადვილებს. როდესაც ბადრიჯნის გასახდომ თვისებებზე ვსაუბრობთ, ბუნებრივია არც ნიგვზიან ბადრიჯანს ვგულისხმობთ და არც ტაფაზე ბლომად ზეთში შემწვარს. თუ გვსურს რომ მისი სიკეთით ბოლომდე ვისარგებლოთ, ბადრიჯანი უცხიმოდ უნდა მოვამზადოთ გრილზე ან ღუმელში, შემდეგ მცირეოდენი ზეითუნის ზეთით შევაზავოთ, სხვადასხვა მწვანილეულთან ერთად. ასე უფრო ჯანსაღიცაა და გემოც შესანიშნავი რჩება.
ცილოვანი პროდუქტები კუნთებისთვის აუცილებელია და უჯრედების განახლებას უწყობს ხელს, თანაც არ ასუქებს. მჭლე ხორცი, თევზი, ქათმის ფილე, რძის პროდუქტი შეუცვლელია დიეტის დროს.

მწვანე ბოსტნეული, ტკბილი წიწაკა, ნიახურის ღერო, ბროკოლი, სალათი, კომბოსტო ანტიოქსიდანტებს შეიცავს და ცხიმების წვასაც უწყობს ხელს. მათი მიღება აუცილებელია, რათა ორგანიზმს ვიტამინები მივაწოდოთ, მავნე ნივთიერებები გამოვდევნოთ და ფორმაც შევინარჩუნოთ.

მწვანე ჩაი და ყავაც არ უნდა დაგვავიწყდეს. მათში შემავალი კოფეინი ცხიმების დაწვის ცნობილი საშუალებაა. შაქრისა და რძის გარეშე, ორივე სასმელი 0 კალორიას შეიცავს. მაგრამ ნუ გადავაჭარბებთ - დიდი დოზით მათი მიღება გულ-სისხლძარღვთა სისტემაზე ცუდად აისახება. დღეში სამი ჭიქის მიღება სრულიად საკმარისია.
მწვანე ჩაი, მასში შემავალი თეინის დახმარებით მეტაბოლიზმს ააქტიურებს, ტანინის დახმარებით კი ცხიმის გამოდევნას უწყობს ხელს.

შვრიის ქატო, დღესდღეობით, ალბათ ყველაზე პოპულარული საშუალებაა. მასში შემავალი დიდი რაოდენობით უჯრედისი ცხიმის ნამდვილი მტერია. მისი მიღებისას ორგანიზმი სწრაფად გრძნობს დანაყრებას, უმჯობესდება კუჭ-ნაწლავის მოქმედება. მისი დიდი დოზით მიღება არ ღირს - 1 სუფრის კოვზი კვების დროს იდეალური რაოდენობაა.

პროდუქტები, რომელიც ცხიმის წვას უწყობს ხელს


გრეიფრუტი ჰოლივუდის დიეტების ნამდვილი ვარსკვლავია. როგორც ამ დიეტების მომხრენი ამტკიცებენ, ეს ხილი მხოლოდ რაიმე სახის ხორცეულთან ერთად უნდა მივიღოთ, შეგვიძლია რომელიმე ბოსტნეულიც დავამატოთ. ეს მეთოდი არ არის გამყარებული რაიმე სახის კვლევით, თუმცა, ეს ხილი თავისთავად ძალიან სასარგებლოა, უცვად შეიცავს ვიტამინებს და დაბალკალორიულია.

ვაშლი ერთ-ერთი ყველაზე პოპულარული "გასახდომი ხილია". მასში შემავალი პექტინი, ისევე როგორც ბადრიჯნის შემთხვევაში, ცხიმს სხეულის პრობლემურ ადგილებში "ჩალაგების" საშუალებას არ აძლევს. განსაკუთრებით ეფექტურად ამ მხრივ მჟავე სახეობები მოქმედებს, რომლებიც კანიანად უნდა მივირთვათ - კანში ბევრი უჯრედისი და ვიტამინია.

სასარგებლოა ლიმონიც, რომელიც, მართალია, ცხიმებს არ წვავს, პირადპირი გაგებით, მაგრამ დეტოქს-ეფექტი აქვს და საჭმლის მონელებას ააქტიურებს. ეს კი აუცილებელი პირობაა, რომ ორგანიზმმა საკვებიდან ყველაფერი საუკეთესო მიიღოს და შეითვისოს.

წყარო
































ტექსტის სანახავად გაიარეთ რეგისტრაცია.