რამდენიმე მარტივი რჩევა ბიჭებს, რომლებსც სიმორცხვის გამო უჭირთ სასურველი გოგონას უკეთ გასაცნობად პირველი ნაბიჯების გადადგმა პაემანზე შესათანხმებლად. გოგონას დაპატიჟებისთვის 4 მარტივი გზა არსებობს, რომლების შესახებ ყველასთვის ცნობილია, თუმცა ამ სტატიაში შევეცდებით დაგანახოთ, თუ რა პლუსები და მინუსები აქვს თითოეულ მათგანს.
1 - პირდაპირ, პირადად თქმა
ეს არის პირველ პაემანზე დაპატიჟების საუკეთესო და ყველაზე რეკომენდირებული გზა, თუმცა როგორც წესი მორცხვი ბიჭები ცდილობენ ამ გზას თავი აარიდონ. ისინი ცდებიან, რადგან როდესაც გოგონას პირისპირ მდგარი სთავაზობ შეხვედრას, ამ დროს შეგიძლია დააკვირდე მის რეაქციებს, განსხვავებით იმ მეთოდებისგან, რომელზეც ქვემოთ დავწერთ.
2 - ტელეფონით შეთანხმება
ტელეფონზე უფრო რთულად გასაგებია გოგონას განწყობა, ვინაიდან არ არსებობს ვიზუალური კომპონენტი, თუმცა თუ მაინც ამ ხერხზე შეაჩერებთ ურთიერთობას, გირჩევთ სწორად შეარჩიოთ დრო ზარისთვის. დიახ, მნიშნველოვანია, რომ დარეკოთ გოგონასთვის ხელსაყრელ დროს - ანუ, არც დილით და არც ძილის წინ. შეხვედრის დრო უთხარით გარკვევით და მკაფიოდ და დარწმუნდით, რომ გოგონამ სწორად გაიგო, თუ სად ნიშნავთ პაემნის ადგილს, რომ შეხვედრის დროს ამან რაიმე უხერხული სიტუაცია არ შექმნას.
3 - SMS-ის დახმარებით
თუ თქვენ მორცხვი მამაკაცების კატეგორიას მიეკუთვნებით, შესაძლოა გოგონას პაემანზე SMS-ით შეთანხმება არც ისე ცუდი გამოსავალი იყოს, თუმცა არა საუკეთესო...
SMS შესაძლებლობას გაძლევთ აუღელვებლად დაალაგოთ სათქმელი, თუმცა გირჩევთ, ვიდრე უშუალოდ პაემნის თაობაზე მისწერთ, მანამდე მცირე მიმოწერა "გააჩაღოთ", რომ შექმნათ ლოგიკური საფუძველი ამ სერიოზული შეთავაზებისთვის.
4 - ინტერნეტის საშუალებით
ინტერნეტით გოგონას პაემანზე დათანხმება ერთ-ერთი მარტივი გზაა, რადგან სოციალური ქსელები შესაძლებლობას იძლევა მის მიერ გაზიარებული ფოტო/ვიდეო პოსტებსა თუ სტატუსებზე დაკვირვებით წინასწარ გაეცნოთ მის განწყობას, სურვილებს... ვიდრე მისწერთ, შეიხედეთ მის "კედელზე", რადგან შესაძლოა აღმოაჩინოთ, რომ მას კინოში, თეატრში, მაკდონალდსში ან სანაყინეში წასვლა სურს; ან სულაც ფეხით გასეირნება... და თუ ეს ასე აღმოჩნდა, ჩათვალეთ, რომ ძალიან გაგიმართლათ!
გარდა ამისა, მისი "კედელი" ბევრი საჭირო ინფორმაციის მატარებელი შეიძლება აღმოჩნდეს - გაიგოთ რა მუსიკას უსმენს, რა ჟანრის ფილმები მოსწონს ან შესაძლოა, სპორტით იყოს დაინტერესებული, ეს ინფორმაცია კი პირველი შეხვედრისას აუცილებლად გამოგადგებათ.
წყარო
რჩევები მორცხვ ბიჭებს: როგორ დავითანხმოთ გოგონა პირველი პაემანზე
⏱️ 1 წთ.
👁️ 2 735
100%