როგორ დავამზადოთ აჭარული ხაჭაპური



ინგრედიენტები ცომისთვის: (4 ცალი)
* ფქვილი – 1 კგ
* მშრალი საფუარი – 15-20 გრ
* თბილი რძე ან წყალი – 120 მლ
* ზეთი – 50 მლ
* მარილი – 1 ჩაის კოვზი
* კვერცხის გული – 2 ცალი

ინგრედიენტები გულსართისთვის:
* კვერცხი 4 ცალი
* გახეხილი ყველი – 1200 გრ
* სულუგუნი და იმერული ყველი)
* კარაქი ზემოდან წასასმელად – 70 გრ

საჭირო ჭურჭელი:
* თასი
* ხის კოვზი
* თუნუქის ფურცელი ან ტაფა
* სამზარეულოს დაფა
* სათქვეფელა
* ბოსტნეულის სახეხი
* დანა
* ცომის საგლინველა
* სამზარეულოს ტილო

მომზადების წესი:


ცომი: თასში ჩაასხით თბილი რძე და საფუარი დაუმატეთ.
* დაახლოებით 10-15 წუთის შემდეგ დაუმატეთ ფქვილი, მარილი და მოზილეთ ნაზი ცომი.
* თასს ტილო გადააფარეთ და ცომი ასაფუებლად თბილ ადგილას დადგით.
* როდესაც ცომი აფუვდება,ხელები ზეთით ოდნავ დაისველეთ და ჩაზილეთ. ასე ცომი ჟანგბადით მდიდრდება და უფრო ფაფუკი ხდება.
* აფუებული ცომი დაახლოებით 300 გრამიან გუნდებად დაყავით.
* თითოეული გუნდა ცომის საგლინველათი გააბრტყელეთ.

გულსართი: გვერდებზე მცირე რაოდენობით ყველი მოათავსეთ.
* ცომი ორივე მხრიდან შუაგულისკენ გადმოახვიეთ.
* ბოლოები კარგად შეუკარით.

დასასრული:

გულში მოათავსეთ ყველი, გადაიტანეთ თუნუქის ფურცელზე და ღუმელში მაღალ ტემპერატურაზე გამოაცხვეთ.
როდესაც ზედაპირი დაიბრაწება, გამოიღეთ, ზემოდან დაახელეთ კვერცხი და ღუმელში შეაბრუნეთ. თუ გსურთ, კვერცხი თოხლო იყოს, ღუმელში ცოტა ხანს გააჩერეთ. მზა ხაჭაპურს ცოტაოდენი კარაქი დაუმატეთ.

წყარო: “მსოფლიო კულინარია”; მერვე ტომი.
































ტექსტის სანახავად გაიარეთ რეგისტრაცია.