ბოლოს და ბოლოს სწორედ სურნელისა და გემოს ნაზავი ანიჭებს ყავის სმის პროცესს განსაკუთრებულს და სასიამოვნო ხასიათს.
მწვანე ყავა წლობით ინარჩუნებს სურნელსა და არომატს, მოხალული ყავა ერთი კვირის შემდეგ კარგავს მას, დაფქვილი – რამოდენიმე საათში, ხოლო მოდუღებული – რამოდენიმე წუთში.
ზომიერ ტემპერატურაზე და ჰაერის შეხებაზე მოხალული ყავის მარცვალი კარგავს თავისი არომატის – 1 % დღეში, ხოლო დაფქვილი – 45 %-მდე.
მიირთვით ახლადმოხალული ყავა
მსოფლიოში არსებული ყავის ყველა სახეობა შესაძლებელია გაერთიანდესორ ჯგუფში:
კომერციული (სტანდარტული, ქარხნული წესით მოხალული და დაფასოებული ყავა) და ”ყავა გურმანებისათვის“.
კომერციული ყავა როგორც წესი, მზადდება საწარმოებში სტანდარტული ტექნოლოგიების გამოყენებით.
მისგან განსხვავებით, მაღალი ხარისხის ”ყავა გურმანებისათვის“ იხალება ძალიან მცირე პარტიებით და დამზადების ადგილზევე იყიდება. კომერციულ ყავებს შორის არსებობს კარგიც და ცუდიც. მათგან განსხვავებით ”გურმანების ყავა“ არ არის მხოლოდ კარგი – იგი ბრწყინვალეა.
ყავის ყველაზე გავრცელებული ჯიშებია – არაბიკა და რობუსტა.
არაბიკა, გამორჩეული თვისებების და მსუყე არომატის გამო უპირატესად გამოიყენება ”გურმანების ყავის“ მომზადებისას.
რობუსტა, როგორც წესი, შედარებით ღარიბია სურნელისა და გემოს მხრივ.
არაბიკას ჯიშის საუკეთესო ყავის მარცვლები მოყვანილია განსაკუთრებული კლიმატური პირობების მქონე
სხვადასხვა ეგზოტიკურ გეოგრაფიულ ადგილებში. ამასთან, ამ ადგილებში ყავის მოსავლის მიღება წელიწადის სხვადასხვა დროს წარმოებს. ყოველივე ეს კი, ყავას განსაკუთრებულობას ანიჭებს.
როგორ შევინარჩუნოთ სურნელი და არომატი დაფქვისას
ყავის მომზადების იდეალური წესი შემდეგია: შეიძინეთ ყავის ახლად მოხალული მარცვლები, მოათავსეთ ისინი გრილ, ბნელ ადგილას ჰაერგაუმტარ ჭურჭელში და ამოიღეთ მხოლოდ იმდენი, რამდენის დაფქვაც და მოდუღებაც გსურთ. თუმცა სახლის პირობებში საყოფაცხოვრებო საფქვავის გამოყენებამ, შესაძლოა საუკეთესო შედეგი არ გამოიღოს. მეორეს მხრივ, საყოფაცხოვრებო საფქვავებს არ შეუძლიათ დაფქვილი ყავის ნაწილაკების ზომის რეგულირება, საუკეთესო ყავის მისაღებად ნაწილაკის ზომა უნდა შეესაბამებოდეს ყავის მომზადების მეთოდს. მაგალითად, ე.წ. “თურქული” მეთოდით მომზადებისას მარცვალი აუცილებლად უწვრილეს ფრაქციებად (ყავის მტვერის დონემდე) უნდა დაიფქვას. განსხვავებით “თურქულისგან”, ფილტრიანი ყავის დანადგარისთვის საჭიროა ყავის საშულო ზომის ფრაქციები.
ჩვენს მიერ გამოყენებულ, მსოფლიოში ცნობილ BUNN-ის საფქვავებს გააჩნიათ სპეციალური, კონუსის ფორმის დოლაბები, რომლებიც დაფქვისას არ აზიანებენ ყავის მარცვლის შინაგან სტრუქტურას და უნარჩუნებენ მას გამორჩეულ თვისებებს.
ცხრილში მოყვანილია სხვადასხვა მეთოდით მომზადებისას ყავის ფრაქციების სასურველი
ზომები:
* ფილტრიანი ყავის დანადგარი - საშუალო ან წვრილი
* ფრანგული პრესი - უხეში
* პერკოლატორი (მადუღარა საცრით/ საწურით) - უხეში
* ესპრესსო - ძალიან წვრილი
* ესპრესსო მოკას მადუღარა - წვრილი
* ყავის ვაკუუმური მადუღარა - უხეში
* ჯეზვე (თურქული წესით მომზადება) - მტვერისებური
რ ე ც ე პ ტ ე ბ ი
ირლანდიული ყავა
გამოგონილია ბარმენების მიერ მეორე მსოფლიო ომის შემდეგ, იგი მზადება ბოკალში 2/3 ყავისფერი შაქრით დამტკბარი ძალიან ცხელი შავი ყავისგან და 1/3 ირლანდიული ვისკისგან. დაფარულია ზედაპირზე მოცურავე კრემის სქელი ფენით.
ვენური ყავა
ინგრადიენტები: (ერთი პორცია)
• 3 პორცია ცხელი ყავა ესპრესო;(90მლ)
• 3/4 ჭიქა ადუღებული წყალი;
• კრემი დაკაკაოს პუდრა;
მომზადება:
ჩაასხით ყავა მინის ჭიქაში, რომელიც გაუძლებს მაღალ ტემპერეტურას დაამატეთ დურებული წყალი, დაადეთ კრემი მოაყარეთ კაკაოს პუდრა და გემრიელად მიირთვით.
აფოგატო
ინგრადიენტები: (4 პორცია)
• 500 გრ. მაღალი ხარისხის ვანილის ნაყინი;
• 120მლ იტალიური ლიქიორი(ამარეტო მაგალითად);
• 4 ჭიქა ახლად მოხარშული ძლიერი ესპრესო, შავი;
მომზადება:
მოათავსეთ ნაყინი 4 ფინჯანში, დაასხით თვითოეულს 30 მლ ლიქიორი, შემდეგ დაასხით ცხელი ყავა და გემრიელად მიირთვით მალევე.
წყარო: mary.ge