ამიტომ გთავაზობთ ეკოლოგიური მიმართულების დეკორს ყველანაირი ქვების გამოყენებით. ისინი შეიძლება იყოს საკმაოდ დიდიც და პატარაც, ნებისმიერი წარმოშობის თუ ფერის, გლუვი ან უსწორმასწორო ზედაპირით. ზღვიდან ჩამოტანილი თუ უახლოეს სკვერში ნაპოვნი.
მიუხედავად საკმაოდ ვიწრო თემატიკისა, ქვების მეშვეობით უამრავი ორიგინალური იდეის განხორციელება შეიძლება. ყველაზე საინტერესო იდეებს კი ჩვენს გალერეაში გთავაზობთ.
თემები:
* როგორ შევუთავსოთ ერთმანეთს ხატვა და ქვები
* მაგიდის სერვირების არაბანალური გზები რომანტიკული საღამოსთვის
* ეფექტური კომპოზიციების შექმნა ქვებით, ყვავილებითა და სანთლებით
* კიდევ რის გაფორმება შეიძლება ქვებით
იდეა N1 – დიდი ქვების მოხატვა. დიდი, გლუვი ქვები არანაკლებ მოსახერხებელი და სასიამოვნოა სახატავად, ვიდრე ქაღალდი ან ტილო. თანაც ბევრად ორიგინალურად გამოიყურება.
რა შეიძლება დახატოთ? სიტყვები და სახელები, პეპლები და თევზები, ყვავილები და ფოთლები – ყველაზე შესაფერისი სიუჟეტია.
ხატვის დაწყებამდე ქვების კარგად გარეცხვა და გაშრობა არ დაგავიწყდეთ. ასევე კარგი იქნება, თუ ქვებს წინასწარ წაუსვამთ გამხსნელს. ასეთ შემთხვევაში საღებავი უკეთესად „დაჯდება“.
იდეა N2 – ქვების გამოყენება სერვირებისთვის. art de la table-ს ოსტატები ორ ძირითად ვარიანტს იყენებენ:
ცალკეული ქვები პერსონალური თეფშების გასაფორმებლად:
პატარა ქვებითა და კენჭებით თავისუფალი სივრცის ან მაგიდის ცენტრის გაფორმება:
იდეა N3- ძველი საგნების გაფორმება და არაჩვეულებრივი კომბინაციების შექმნა:
მიეცით გასაქანი თქვენს ფანტაზიას! ქვებით შეიძლება გაფორმდეს ავეჯი და სარკეები, სასადილო ოთახი და სამუშაო კაბინეტი.
რამდენიმე დიდი ქვა პირამიდასავით დაალაგეთ, შეუხამეთ სხვა ეკომასალები, მაგალითად, ხე ან ნიჟარები და სახლი ზღვის ხმაურიანი ატმოსფეროთი აავსეთ!
იდეა N4 – ქვები და სანთლები. ცეცხლი და ქვა. მათი შეხამება ძალიან ეფექტურად გამოიყურება.
ქვა+სანთელი. კიდევ ორი იდეა:
იდეა N5 – ქვები ყვავილებსა და მცენარეებთან ერთად. მუქი ფერის ქვები მშვენივრად უსვამს ხაზს ყვავილების სინაზეს.
ისინი სხვადასხვა როლში შეიძლება წარმოადგინოთ: გაავსეთ შუშის ლარნაკები თაიგულებით ან მორთეთ ჯამი მცურავი ყვავილებით და ფოთლებით.
ქვებით დაფარეთ მცენარის ძირები ან უბრალოდ განათავსეთ კონტრასტისთვის ყვავილის კომპოზიციებთან, როგორც ეს აღმოსავლეთშია მიღებული.
კიდევ ორი იდეა:
რომანტიკული საღამო ეკო სტილში: მენიუ
1. ძროხის ხორცი მწვანე ხახვითა და სეზამის მარცვლებით:
2. ყველში გამომცხვარი სოკო:
3. ხილის სალათი თაფლით:
4. ყველაზე სასიამოვნო სასმელი – სახლში მომზადებული ლიმონჩელო!
ლამაზ საღამოს გისურვებთ!
წყარო: friday.ge