საშუალოდ ადამიანი ყოველდღიურად 40-100 ღერ თმას კარგავს და მათ ადგილას მუდმივად იზრდება ახალი თმა.
იმ შემთხვევაში კი, როდესაც დაკარგული თმის ადგილას ახალი უფუნქციო თმის პარკის გააქტიურება აღარ ხდება ვითარდება ალოპეცია ანუ სიმელოტე.
სიმელოტე მამაკაცებისთვის ჩვეული მოვლენაა. ის ხშირად მემკვიდრეობითია და დაკავშირებულია თმის პარკის მგრძნობელობასთან სექსუალურ ჰორმონ “ანდროგენთან” მიმართებაში. მამაკაცებს ეს პრობლემა გაცილებით უფრო ხშირად აწუხებთ ვიდრე ქალებს. რა შეიძლება იყოს მამაკაცებში თმის ცვენის მიზეზი?
1. დარღვეული სისხლის მიმოქცევა.
ფიზიკური სტრესი ისევე, როგორც ქალებში, მამაკაცებშიც თმის ცვენის გამომწვევი შეიძლება გახდეს. სტრესი აფერხებს თმის ფოლეკულების ზრდას. ეს კი იმიტომ ხდება, რომ სტრესისას ვიწროვდება კაპილარები თავის კანში, რაც ამცირებს სისხლის მიწოდებას ისეთ ადგილებში, რომლებიც ყველაზე რთულად მისადგომია სისხლისთვის. ამ შემთხვევაში შუბლი და საფეთქლები, რადგანაც გრავიტაციის ძალა ამ ადგილებში მაქსიმუმს აღწევს. სისხლის ნაკლებობა კი იწვევს თმის ბოლქვების გამოფიტვასა და შემდეგში თმის ღეროს წარმოქმნის შეფერხებას.
2. ასაკის მატება.
ასაკის მატებასთან ერთად, იკარგება თავის კანში არსებული სისხლძარღვებიც. ეს პროცესი კი თავისთავად თმის ცვენის გამომწვევი მიზეზია. კაპილარების დაკარგვას ემატება ისიც, რომ ასაკში სისხლის ცირკულაცია ისეთივე ძლიერი აღარ არის, როგორიც ახალგაზრდობაში.
3. ჰორმონების ცვლილება.
სისხლში სასქესო ჰორმონების მომატებისას, ვითარდება ანდროგენული თმის ცვენა. ძირითად შემთხვევებში, სისხლში ანდროგენის ოდენობა ნორმების ფარგლებშია, მაგრამ თმის ბოლქვში არსებული ფერმენტები, რეაქციაში შედის სასქესო ჰორმონებთან, რაც არღვევს ცილების სინთეზს.
4. დაავადებები.
თმის ცვენის მიზეზი შეიძლება გახდეს კანის დაავადებებიც, როგორიც არის სებორეა. ამ დროს ცხიმოვანი ჯირკვლების ფუნქციონირება დარღვეულია. ხდება ფორების ჩაჭედვა და თმების ბოლქვების არასწორი ფუნქციონირება. თმა ხდება თხელი და ადვილად მტვრევადი. ამ პრობლემის მიზეზი შეიძლება ორგანიზმში იმალებოდეს.
5.არასწორი კვება და ვიტამინების ნაკლებობა.
არასწორედ შერჩეული საკვები რაციონი მჭიდრო კავშირშია სიმელოტესთან. აუცილებელია ორგანიზმმა საჭირო რაოდენობით მინერალები და ვიტამინები მიიღოს. თმების ჯანმრთელობისათვის აუცილებელია ცილები.
6. სიგარეტი.
მოწევა ნეგატიურად მოქმედებს კაპილარებზე. აუარესებს გულიდან მოშორებული უბნების სისხლით მომარაგებას, რაც აისახება თმების სიხშირესა და სიჯანსაღეზე.
წყარო: etanews.ge
სიმელოტის 6 მიზეზი
⏱️ 1 წთ.
👁️ 2 914
100%