როგორ უნდა მოიქცეთ "თევზ" ქალთან



19 თებერვალისა და 20 მარტის შუალედში დაბადებული ადამიანები ზოდიაქოთი თევზებს წარმოადგენენ. თევზები ზოდიაქოს ბოლო ნიშანია. აქედან გამომდინარე, მათ ხასიათში წინამორბედი თერთმეტი ზოდიაქოს ნიშნისთვის დამახასიათებელი ესა თუ ის თვისება იყრის თავს.

თევზი ქალები კი საოცრად მიმზიდველები და მაცდურები არიან. ისინი გარშემომყოფთა ყურადღებას უნებლიეთაც კი იქცევენ. თევზები ნაზები, მგრძნობიარეები, ლამაზები და უკიდურესად მეოცნებეები არიან. მათ აქვთ უნარი, მამაკაცის აზროვნებაში ყველაზე მშვენიერი არსებები გახდნენ.

თუკი ამ ზოდიაქოს ნიშნის ქვეშ დაბადებული ქალით მოიხიბლებით, თქვენ წინასწარ მომზადება გმართებთ.

როგორ უნდა მიიზიდოთ მათი ყურადღება?


1. თევზი ქალის ყურადღების მიქცევის ერთ-ერთი გზა საინტერესო საუბრის წარმართვაა. ზოდიაქოს ამ ნიშნის ქვეშ დაბადებულ ქალს უბრალო ღიმილით და დაჟინებული ცქერით ვერ მოხიბლავთ. მისი ყურადღების მისაქცევად არც უბრალო საუბარი კმარა. საჭიროა, სასაუბრო თემა სწორად შეარჩიოთ. თევზი ქალი თქვენი ინტელექტით უნდა მოხიბლოთ.

2. მიუდექით თევზ ქალს სწორად. მას ჯენტლმენური საქციელი და რომანტიკა ხიბლავს. მას მოსწონს სასიყვარულო წერილები, სასიამოვნო სიტყვები, მაქსიმალური ყურადღება. თუკი მის გულს რომანტიული საქციელით მოიგებთ, ჩვეულებრივ კავალერად ნუ იქცევით. ჯობს, ყურადღება მთელი ურთიერთობის მანძილზე შეინარჩუნოთ.

3. იყავით რაინდი. თევზებს ტრადიციული, თავმდაბალი და უშუალო მამაკაცი იზიდავს. ნუ ჩათვლით ძველმოდურად ხელზე კოცნას და მსგავს პატივისცემის გამომხატველ საქციელს. თქვენ მას ამით საოცრად მოხიბლავთ.

4. იყავით თავდაჯერებული. ზემოთ ჩამოთვლილი მიდგომა, რომანტიულობა და ჯელტმენური ქმედებები თავდაჯერებულობას და ზომიერ სიმკაცრეს სულაც არ გამორიცხავს. თევზ ქალს საკუთარ თავში დარწმუნებული, ძლევამოსილი კაცი მოსწონს.

როგორ უნდა ააგოთ კარგი ურთიერთობა?


1. თუკი გაიაზრებთ, რომ ის წყლის ნიშანია და წყლისა და საყვარელი ქალის ხასიათს ერთმანეთს დაუკავშირებთ, მასთან ურთიერთობა არ გაგიჭირდებათ. ემოციურობისა და სენსიტიურობის გამო მისი გაფრთხილება გმართებთ. თევზი ქალი წყენას გულში ინახავს და ხშირად ირაციუნალურად მოქმედებს.

2. ისაუბრეთ ყოველი თემის გარშემო. თევზებს თქვენი შეხედულების გაგება ყველა საკითხზე სურს. მას თქვენი წარსულიც ძალიან აინტერესებს. შეიძლება, მეექვსე კლასის ამბებს თქვენ მოსაყოლად სულაც არ თვლიდეთ, თუმცა თქვენს რჩეულს ეს საინტერესოდ ეჩვენება.

3. მიართვით საჩუქრები. არ აქვს მნიშვნელობა, თქვენი საჩუქარი უბრალო სუვენირი იქნება თუ რაიმე ძვირადღირებული. მას მოსწონს ყვავილებიც, შოკოლადიც და თეატრის ბილეთიც. საჩუქრის არსი მისთვის თქვენი სიყვარულის დამტკიცებაა.

4. გაითვალისწინეთ, რომ სექსი მისთვის უმნიშნელოვანესია. თუკი თევზმა ქალმა სექსისაკენ პირველი ნაბიჯი თავად გადადგა, ე.ი. თქვენ მისი გულის დაპყრობა მოახერხეთ, თუმცა ნუ ითამაშებთ მისი გრძნობით. თუ ქალი მთელი გულით არ გიყვართ და ის თქვენთვის მხოლოდ გატაცებაა, სექსზე არ დათანხმდეთ. ჯობს, ეს ნაბიჯი მაშინ გადადგათ, როდესაც თევზ ქალს მთელი გულით შეიყვარებთ.

წყარო: lollipop.ge
































ტექსტის სანახავად გაიარეთ რეგისტრაცია.