ეჭვიანობა საშინელი სენია, რომელიც, უმჯობესია, არასოდეს შეგეყაროთ. არსებობენ ადამიანები, რომლებსაც ეს გრძნობა გამძაფრებული აქვთ. ეს ის შემთხვევაა, როდესაც სრულიად უმიზეზოდ, შეიძლება გამუდმებით ეჭვებში იყოთ. არსებობს მეორე შემთხვევა, როდესაც ადამიანისთვის ზოგადად, არ არის ეჭვიანობა დამახასიათებელი, თუ მას რეალური საბაბი არ მისცა პარტნიორმა. საიდან ჩნდება ეჭვიანობა?
ეჭვიანობა შეიძლება მრავალი მიზეზით იყოს გამოწვეული:
1. საყვარელი ადამიანის დაკარგვის შიში და მის გარეშე ცხოვრების წარმოდგენა;
2. საკუთარ თავში რწმენის არარსებობა და კომპლექსები;
3. მდიდარი ფანტაზია;
4. მესაკუთრე ადამიანის სინდრომი;
5. უყურადღებობა პარტნიორის მხრიდან;
6. გულახდილი ურთიერთობების ნაკლებობა;
7. პარტნიორის მხრიდან სხვა ადამიანის მიმართ ყურადღების გამოხატვა;
აგრეთვე ხშირია ძველ პარტნიორთან არსებული „მწარე გამოცდილება“, რაც ახლანდელ ურთიერთობაზე უარყოფითად აისახება. იქნებ საჭიროა დრო გავიდეს, სანამ ძველ იარებს მოიშუშებთ... ან დაფიქრდით იმაზე, რომ ძველ პარტნიორს „არ მისცეთ საშუალება ისევ გაგიფუჭოთ ურთიერთობები.“ გარდა ამისა, გაითვალისწინეთ - ეჭვიანობა პირდაპირკავშირშია უნდობლობასთან, ნდობის გარეშე კი წარმოუდგენელია ჰარმონიული, ჯანსაღი ურთიერთობა.
თუკი იგრძნობთ, რომ უსაფუძვლო ეჭვიანობას იწყებთ...
1. ჩაისუნთქეთ ღრმად;
2. გათიშეთ გრძნობები, აამუშავეთ ტვინი... სხვას ესაუბრება? ეს მიზეზია ეჭვიანობისთვის? იქნებ უბრალოდ კარგი ნაცნობი, კოლეგა, ან სულაც და არის?
3. ... და მთავარი, არ დაგავიწყდეთ, რომ მონობა დიდი ხანია პლანეტაზე აღარ არსებობს. თქვენ არ შეგიძლიათ ადამიანის მოწყვეტა სამყაროსგან და მისი ციხეკოშკში გამოკეტვა. თუ არ გაქვთ რეალური მიზეზი ეჭვიანობისთვის, მაგალითად, არ გამოხატავს განსაკუთრებულ ყურადღებას სხვის მიმართ, არ უჭირავს მისი ხელი, არ ეფერება... შეგიძლიათ დამშვიდდეთ.
წყარო: eva.ge
მოამზადა: სოფო ქიტიაშვილმა
როგორ ვებრძოლოთ ეჭვიანობას
⏱️ 1 წთ.
👁️ 3 367
100%
