საჩუქრის შერჩევა საკმად რთული და დელიკატური საკითხია და უნდა ვაღიაროთ, რომ მამაკაცები ამაში არც ისე გაწაფულები არიან. თუ საყვარელი მამაკაცის საჩუქრის დანახვისას, გეტირება, სევდიანდები და ხვდები, რომ ამდენი ხნის შემდეგაც ვერ გაიგო, რა გჭირდება, მაშინ ეს სტატია შენთვისაა. ჩვენ გასწავლით, როგორ უნდა მიანიშნო მამაკაცს, რომ მისი შერჩეული საჩუქარი არ მოგწონს.
1. მინიშნება
ფრთხილად მიანიშნე რა გსურს, რომ მის გონებაში დაილექოს შენი სურვილი ისე, რომ თავადაც ვერ მიხვდეს, საიდან იცის შენი სურვილის შესახებ. მინიშნებების მიცემა დაიწყე რამდენიმე კვირით ადრე და რეგულარულად, რათა გაიაზროს, დაიმახსოვროს და შემდეგ უკვე იყიდოს შენთვის სასურველი საჩუქარი.
2. უთხარი რა გსურს!
თუ წინა მეთოდმა არ იმუშავა, სჯობს პირდაპირ უთხრა. მამაკაცების უმეტესობას ურჩევნია, რომ ქალმა ყოველგვარი მიკიბ-მოკიბვის გარეშე უთხრას რა სურს. ასეთ შემთხვევაში სურპრიზი აღარ გამოვა, მაგრამ შენ მიიღებ იმას, რაც მართლა გინდა.
3. შეიძინეთ საჩუქარი ერთად!
შენ ხომ არ ხარ ეგოისტი? შეარჩიეთ ისეთი საჩუქარი, რომელიც ორივეს გამოგადგებათ. ეს შეიძლება იყოს რომანტიკული შაბათ-კვირა, შინაური ცხოველი ან საყვარელი ჯგუფის კონცერტზე დასასწრები ბილეთები.
წყარო: lollipop.ge
როგორ უნდა მიანიშნო მამაკაცს, რომ მისი საჩუქარი არ მოგწონს?
⏱️ 1 წთ.
👁️ 1 433
100%