ეს კიდევ ერთი მცდარი შეხედულებაა – დარწმუნებულია ფრანგი ფსიქოანალიტიკოსი და სექსოლოგი: “ძალიან მოხერხებული კი არის ჩვენთვის: სექსუალურ დისჰარმონიას, მამაკაცთა ღალატს და ქალურ დაღლილობას ასე უფრო ადვილად ვხსნით. მაგრამ ეს მითია; მითი, რომელიც მეცნიერულად არ დასტურდება”.
კატრინ ბლანი გამოკვლევაში ასეთი ცდომილებას რამდენიმე მიზეზს ასახელებს:
პირველი მიზეზი – კულტურულ-ისტორიული. ქალის სურვილი საუკუნეების განმავლობაში ოჯახისთვის დიდ საფრთხედ ითვლებოდა. ერჩივნათ ჩაეთვალათ, რომ ქალური სურვილი მხოლოდ დედობის მოთხოვნილების გამოვლინება იყო. თანამედროვე ქალიც ხშირად იხლიჩება დედის და საყვარლის როლებს შორის. არადა ოჯახურ სიამტკბილობას ორივე სჭირდება და ერთი მეორეს სულაც არ გამორიცხავს.
მეორე მიზეზი – ფიზიოლოგიური. სექსუალური მიზიდულობა ერთნაირად ძლიერია ორივე სქესში, მაგრამ მამაკაცის ერექცია და ეაკულაცია თვალსაჩინოა, ქალის შემთხვევაში კი ყველა პროცესი ორგანიზმის შიგნით მიმდინარეობს. ამიტომ პირველი ძნელად დასაფარია, მეორე - თითქმის შეუმჩნეველი.
მესამე მიზეზი – ჰორმონალური. ქალის მომწიფებული სხეული ყოველთვიურად კვერცხუჯრედებს გამოიმუშავებს, კვერცხუჯრედის მიზანია - განაყოფიერდეს. ოვულაციის პერიოდში ქალი სექსისთვის უფრო მზად გრძნობს თავს. მაგრამ იმის თქმა, რომ სურვილის რიტმი ჰორმონალურ რიტმს ემორჩილება იმას ნიშნავს, რომ სექსუალობა გამრავლების ინსტინქტამდე დავიყანოთ. ასეთ შემთხვევაში, ტერმინი სექსუალობა მიემართებოდა მხოლოდ მომწიფებულ და ბავშვის დაბადების უნარისმქონე ქალს და ისიც მხოლოდ თვის განსაზღვრულ დღეებში.
სასიყვარულო ურთიერთობა მთელი სამყაროა, რომელშიც ქალები და მამაკაცები ცდილობენ ერთმანეთი იპოვონ, თავი მოაწონონ, მიანიჭონ სიამოვნება და სრულად, მთელი არსებით გაიხსნან პარტნიორის წინაშე. შესაძლოა, გამრავლების ინსტინქტი მართლაცაა აღგზნების საფუძველი, მაგრამ ნებისმიერ შემთხვევაში, ეს მხოლოდ და მხოლოდ ათვლის წერტილია.
მეოთხე მიზეზი – ფსიქოლოგიური. მოზარდობაში ცნობისმოვარეობით და უნდობლობით აღმოვაჩენთ ხოლმე საკუთარი თავისთვის სექსუალური სურვილის არსებობას, რომელსაც შეიძლება აგრესიული და, შესაბამისად, საზოგადოებისთვის მიუღებლის ინტერპრეტაცია მიეცეს. თუ მამაკაცები, რომელთა აგრესიულობას საზოგადოება მოთმინებით და გაგებით ეკიდება, მაინცდამაინც ამ სურვილის აღმოჩენას არ განიცდიან, ქალისთვის კი ის ძნელად მისაღებია. ქალები ამტკიცებენ ხოლმე, რომ მათი სურვილი უფრო სუსტია და მართლა გულწრფელად იჯერებენ იმას, რომ მხოლოდ მამაკაცის ნებას ემორჩიელებიან. ამ სახით საკუთარ სურვილთან შეჯახებას გაურბიან.
დასკვნა: აუცილებელი არაა, სურვილების ძალა უარვყოთ; სურვილი არსებობს, და ეს ნორმალურია. უბრალოდ ყოველდღიური ცხოვრება გვიჩვენებს, რომ ქალი უფრო მეტად ცდილობს, სურვილი დაიმორჩილოს და ... და ხანდახან ამ სურვილის მართვის ძალაც შესწევს. თურმე სწორედ ამ თავშეკავების გამო ეგონათ და ჰგონიათ - ქალს სექსი კაცზე ნაკლებად სჭირდებაო.
წყარო: eva.ge
სექსი მამაკაცებს უფრო სჭირდებათ, ვიდრე ქალებს?
⏱️ 1 წთ.
👁️ 3 276
100%