სტრესის შედეგებს, თავის ტკივილს, უძილობასა და უხასიათობას თურმე ფერის თერაპიაც შველის.
თავის ტკივილი: ფერი - წითელი
როცა აბები ვეღარ გვეხმარება, ან თან არა გვაქვს, თვალებზე ცივ წყალში დასველებული პირსახოცი დაიფინეთ, ცოტახნით წამოწექით და ყველაფერი დედამიწის ზურგზე დაიციწყეთ.
წითელი აუმჯობესებს სისხლის მიმოქცევას და ადრენალინის გამოყოფას აძლიერებს, რისი წყალობითაც სპაზმი, რომელიც თავის ტკივილს იწვევს, რამდენიმე ხნის შემდეგ ქრება. სპეციალისტები თვლიან, რომ წითელი ბლოკნოტიც კი ოპტიმისტურად განაწყობს ადამიანს, რაღა უნდა ვთქვათ წითელი ვარდების თაიგულზე.
სამსახურებრივი სტრესი: ცისფერი
თუ საქმე აღარ გახარებთ, რამე ცისფერს შეხედეთ. ცის ფერი წნევას ადაბლებს და რეალობასთან გვარიგებს. თუ სიმშვიდის შენარჩუნება გსურთ, როცა ირგვლივ ყველა წუწუნებს და ბუზღუნებს, სამუშაო მაგიდაზე ლაჟვარდისფერი ნახატი დადეთ, ცისფერშუშებიანი სათვალე გაიკეთეთ, ან მონიტორი მოაწესრიგეთ. გამორიცხული არ არის, რომ ცისფერმა კომპიუტერულმა სივრცეებმა თქვენს კარიერასთან დაკავშირებით რამე საინტერესო შთაგაგონონ.
უძილობა: ვარდისფერი
თუ იმით იტანჯებით, რომ მოდუნება არ შეგიძლიათ, საძინებლის ფერი შეცვალეთ, კედლები ფლამინგოს ან ატმის ფერად შეღებეთ. თუმცა უფრო იაფი და მარტივი გზაც არსებობს – შეიძინეთ იმავე ფერის ღამის სამოსი ან საწოლის თეთრეული. მეცნიერულად დამტკიცებულია, რომ ვარდისფერი აგრესიას აცხრობს, სიმყუდროვისა და სიმშვიდუს შეგრძნებას ბადებს: ტყუილად კი არ უწოდებენ კარგ ცხოვრებას ვარდისფერ ცხოვრებას.
უხასიათობა: ნარინჯისფერი
როცა მოწყენილი ხართ, რამე ნარინჯისფერი ჩაიცვით ან 1 კგ. მანდარინი იყიდეთ. ნარინჯისფერს დიდი ძალა ჰქონია: სასიცოცხლო ძალების მობილიზება და დეპრესიიდან გამოყვანა, ლიმფური სისტემის მუშაობის სტიმულაცია, ჰორმონალური ფონის მოწესრიგება და ორგანიზმის გაწმენდა შეუძლია. შესაძლოა, ძალიან რთული საქმის გაკეთებაც გაიძულოთ.
გაუბედაობა: მწვანე
სიცოცხლისა და გაზაფხულის ფერი აძლიერებს იმუნიტეტს და ნეგატიურ ემოციებს ანელებს. თუ ყოყმანობთ და არ შეგიძლიათ გადაწყვეტილების მიღება რამე მწვანე ჩაიცვით, ან შტირლიცივით ტყეში გაისეირნეთ, რომ ფოთლების შრიალში ყველა “დიახ” და “არა” აწონ-დაწონოთ. მწვანე ფერი გულის მუშაბაზეც კარგად მოქმედებს.
სიფიცხე: იისფერი
სასარგებლოა ნებისმიერი შინაგანი ანთების დროს, ნერვებს ამშვიდებს, ავადმყოფურ მადას ანეიტრალებს. ამახვილებს მხედველობას და ამძაფრებს გრძნობებს. თუ თავს მარტოდ გრძნობთ, ირისის ყვავილები წარმოიდგინეთ ერთხანს და აუცილებლად იგრძნობთ თავს უფრო ბედნიერ ადამიანად.
თავში ქარი ქრის: შავი ფერი
მიკ ჯაგერის საყვარელი ფერი, გაიძულებს იყო სერიოზული და ეფექტური. შვის ჩაცმა სხვებისგან განაპირებისა და ავი ენებისგან დაცვის კარგ საშუალებადაა მიჩნეული. როგორც შავი ბრილიანრი, ისე სუფთა შავი ფერი შიგნიდან ანათებს, ზოგავს შინაგან ძალას და თქვენი პიროვნებისკენ მიმართავს ყურადღებას.
წყარო: eva.ge
ფერები სტრესის, თავის ტკივილის, უძილობის, უხასიათობის წინააღმდეგ
⏱️ 1 წთ.
👁️ 1 840
100%