არის ასეთი გამოთქმა: „ თუ გინდათ მეგობრებთან კარგი ურთიერთობა შეინარჩუნოთ, არასოდეს ილაპარაკოთ ფულზე, პოლიტიკაზე და სექსზე.“ არის მეორე ვარიანტიც: „ახალ გაცნობილთან არ ღირს ფულზე, პოლიტიკაზე და სექსზე საუბარი.“
ნუ შევეხებით პირველ ორ პუნქტს, მაგრამ რაც შეეხება ქალისა და მამაკაცის ინტიმურ ურთიერთობას, ეს უმრავლესობისთვის მტკივნეული თემაა.
ზოგი ამტკიცებს, რომ სექსუალური ურთიერთობა ქორწინებამდე დაუშვებელია. ზოგი კი ამბობს, რომ პირველივე შეხვედრაზე შეიძლება გქონდეს სექსი, თუკი ეს გსურს, მაგრამ 80% - ის შემთხვევაში გაცნობის დღეს სექსის შემდეგ ურთიერთობა მთავრდება.
თქვენ შეიძლება ნახოთ ქალი, რომელიც გეტყვით, რომ ჰყავდა ორი ქმარი და ორივესთან პირველივე პაემანი სექსით დამთავრდა, თუმცა ასეთი ქალების პროცენტული მაჩვენებელი მინიმალურია. მათ უბრალოდ ისეთი მამაკაცები შეხვდათ, რომლებსაც ჰგონიათ, რომ ურთიერთობა სექსით იწყება. უმეტეს შემთხვევაში, მამაკაცების დამოკიდებულება ამ ტიპის გოგონებთან არასერიოზულია. არის შემთხვევები, როდესაც პარტნიორს საწოლიდან ადგომისთანავე შორდებიან, თუმცა არსებობს მამაკაცების კატეგორია, რომლებიც პირველივე შეხვედრაზე სექსს გამართლებულად მიიჩნევენ და სულაც არ აქცევენ ყურადღებას რას იფიქრებენ სხვები. მათი პრინციპია: „ვაკეთებთ იმას, რაც მოგვწონს.“
გოგონების უმეტესობა მიიჩნევს, რომ სექსი დასაშვებია მხოლოდ ქორწინების შემდეგ. საკითხის მიმართ მსგავსი დამოკიდებულება უფრო მეტად რელიგიურ ადამიანებს აქვთ, რადგან მათი აზრით, ქორწინებამდე სექსი დიდი ცოდვაა, ამიტომაც ეძებენ პარტნიორად ისეთ ადამიანებს, ვინც მათ გაუგებს.
უკიდურესობები რომ არ განვიხილოთ, მაინც რჩება კითხვა - გაცნობიდან რამდენ ხანშია დასაშვები ინტიმური ურთიერთობა? არ იჩქაროთ და არც ხელოვნურად გაწელოთ დრო. გირჩევთ მიენდოთ საკუთარ გულისთქმას, რომელიც შეკითხვაზე სწორი პასუხის მოძიებაში აუცილებლად დაგეხმარებათ.
წყარო: eva.ge
„იჩქარე ნელა...“
⏱️ 1 წთ.
👁️ 2 877
100%