დღეს გთავაზობთ რამდენიმე პროდუქტს, რომელიც სხეულს სითბოს შენარჩუნებაში ეხმარება და რომლებიც ზამთრის განმავლობაში აუცილებლად უნდა მიიღოთ.
1- ჯინჯერი (კვოჭა) - ადამიანები, განსაკუთრებით კი ბავშვები ზამთარში გაციებისკენ არიან მიდრეკილები, ჯინჯერი კი უკვე დიდი ხანია გამოიყენება, როგორც გრიპისა და გაციების ბუნებრივი სამკურნალო საშუალება. ის ასევე სხეულს ცხიმების დაწვაში ეხმარება, შესანიშნავია ორგანიზმში აირებისა და მჟავიანობის შესამცირებლად.
2- მიწისთხილი - შეიცავს ნივთიერებას, რომელიც ზამთრის ყინვებში გულს დაიცავს უკმარისობისა და ჟანგბადის ნაკლებობისგან.
3- დარიჩინი - დარიჩინის ტკბილი და თბილი გემო ძალიან სასარგებლოა ზამთრის ცივ დღეებში. დაამატეთ ის სხვადასხვა სახის კერძს ან მიირთვით თაფლით გაზავებული.
4- შავი წიწაკა - მასში შემავალი ნივთიერებების დახმარებით ამცირებს მჟავიანობას, შებერილობასა და გაზების წარმოქმნას ორგანიზმში.
5- თაფლი - ძალიან კარგი ბუნებრივი საშუალებაა, რომელიც სასწაულებს ახდენს. ასტიმულირებს საჭმლის მომნელებელ სისტემას, შესაბამისად ის თავიდან აგარიდებთ კვებასთან დაკავშირებულ პრობლემებს.
6- ნიორი - უკვე ძალიან ბევრი ვისაუბრეთ მის სასარგებლო თვისებებზე. ის ერთ-ერთია იმ საშუალებათაგან, რომელიც ზამთარში გასათბობად აუცილებად უნდა მიიღოთ, განსაკუთრებით მაშინ თუ ბრონხიტი ან ასთმა გაწუხებთ. ყველასთვის ცნობილია, რომ ანადგურებს ბაქტერიებს და იცავს სხეულს სურდოსა თუ სხვადასხვა სახის ინფექციისგან.
7- ნუში - სასარგებლო თვისებები, რომელთაც ნუში შეიცავს ძირითადად ყაბზობასთან, სუნთქვით პრობლემებთან, ხველასთან, გულის დაავადებებთან, ანემიასა და დიაბეტთან ასოცირდება. ის ასვეე ხელს უწყობს თმისა და კანის სიჯანსაღეს, აგვარებს უამრავ სტომატოლოგიურ პრობლემას. სწორედ ამიტომ ამ პროდუქტს უამრავი კოსმეტიკური საშუალება შეიცავს.
8- თევზი - მდიდარია ომეგა 3-ის ცხიმოვანი მჟავებითა და თუთიით, ორივე მათგანი თქვენს ჯანმრთელობას ზამთრის სუსხიან დღეებში მაქსიმალურად განაპირობებს. თუთია წარმოქმნის სისხლში თეთრ ნაწილაკებს და ეფექტურად იბრძვის ინფექციური დაავადებების წინააღმდეგ.
9- ფოთლოვანი ბოსტნეული - ზოგადად ხილიცა და ბოსტნეულიც წელიწადის ყოველი სეზონის დროს აუცილებლად უნდა მიიღოთ, რადგან უამრავ სასარგებლო თვისებას აერთიანებენ. ზამთრის პერიოდში კი განსაკუთრებული ყურადღება ისეთ ფოთლოვან ბოსტნეულს მიაქციეთ, როგორიცაა კომბოსტო, კალე, ბროკოლი, ისპანახი, ფხალი და ა.შ.
წყარო: lollipop.ge
პროდუქტები, რომლებიც ზამთრის განმავლობაში სითბოს შენარჩუნებაში დაგეხმარებათ
⏱️ 1 წთ.
👁️ 1 920
100%