თბილისში თოვს. ბევრ ადამიანს კი არ უყვარს ასეთ ამინდში ქალაქში სიარული, მაგრამ რას იზამ, როცა აუცილებელი საქმე გაქვს, სამსახურში ხარ წასასვლელი, სკოლაში ან უბრალოდ ოჯახისთვის პროდუქტები უნდა შეიძინო. თუ თოვლისათვის სპეციალური ფეხსაცმელი არ გაქვთ, მაშინ დაბრუნებისას თქვენს ფეხსაცმელზე აუცილებლად შენიშნავთ თოვლის თეთრ ლაქებს.
როგორც ვიცით ფეხსაცმლის ზედაპირი ტყავისგან შედგება, რომელიც ადვილად შეიწოვს ჩვენს ქუჩებში დაყრილ მარილს. ეს კი თეთრ ლაქებს ტოვებს ფეხსაცმელებზე და დიდი ალბათობაა იმისა, რომ მას გაუჩნდეს ნაპრალები და გამოშრეს. როგორ მოვაშოროთ ფეხსაცმელს ეს ლაქები? პირველ რიგში კარგი იქნება ტყავის ფეხსაცმელს წელიწადში ერთხელ მაინც თუ წავუსვამთ ლაქებისაგან დამცავ სპეციალურ საშუალებას. დღეს საღამოს კი შემდეგი მეთოდის გამოყენებას გირჩევთ:
საჭირო მასალები:
1 ჭიქა ცივი წყალი, 1 კოვზი თეთრი ძმარი, პატარა ჭიქა და კოვზი მოსარევად 3 ბამბის დისკი.
ინსტრუქცია
1.ერთმანეთს კარგად შეურიეთ წყალი და ძმარი 2. ჩადეთ ბამბა მიღებულ ხსნარში და ნაზად წაუსვით ის თქვენს ფეხსაცმელს სანამ ლაქები არ გაქრება. 3. დაელოდეთ მის გაშრობას.
წყარო: life.mediamall.ge
როგორ მოვაშოროთ ფეხსაცმელს თოვლის თეთრი ნადები
⏱️ 1 წთ.
👁️ 3 387
100%