როდესმე დაფიქრებულხართ, რას ნიშნავს სხვადასხვა ნახატები, რომლებსაც გაუცნობიერებლად ხატავთ? ფსიქოლოგიური ახსნა:
ციფრების წყობა
ადამიანებს, რომლებიც მხოლოდ ციფრებს ხატავენ, ყველაზე მეტად მატერიალური ფასეულობები აღელვებთ. თუ ციფრებს ხატავთ, შესაძლოა ქვეცნობიერად მისი შოვნის გზებზე ფიქრობთ, ან ფიქრობთ როგორ გაისტუმროთ ვალები.
მზე
ფურცლის კუთხეებში მზეს ან გირლიანდებს ხატავთ? პარადოქსია, მაგრამ ეს ნიშნავს, რომ თქვენი ხასიათი არც ისე „მზიანი და ბედნიერია“. თქვენ არ გყოფნით სითბო, ადამიანების მხრიდან ზრუნვა და ყურადღება. თქვენ კარგ მეგობარზე ოცნებობთ. ფსიქოლოგები გირჩევენ, რომ უახლოეს მომავალში ხშირად ესტუმროთ ან დაურეკოთ მეგობრებს, წადით მათთან ერთად კინოში ან კაფეში. მაშინ სითბო არა მხოლოდ ქაღალდზე, არამედ თქვენს სულშიც გაჩნდება.
ფიგურები
კვადრატები, რომბები, სამკუთხედები – თუ მათ ხატავთ, ეს ნიშნავს, რომ მკაფიო მიზნები და მტკიცე რწმენა გაქვთ. ასეთ ფიგურებს ხშირად ისეთი ადამიანები ხატავენ, ვისაც არ ეშინია საკუთარი მოსაზრებების ხმამაღლა გამოთქმის. ასეთ ადმაინებს გონება ლოგიკურად აქვთ მოწყობილი და ყოველთვის კარგი ხელმძღვანებელი არიან. სიმეტრიული ფორმები იმაზე მეტყველებს, რომ მათ ავტორს უყვარს გეგმების შედგენა და წესრიგი. თუ ფიგურების კუთხეები წედმეტად მკვეთრადაა გამოყოფილი, ეს უკვე აგრესიაზე მიგვანიშნებს.
ჯვრები
ჯვრები დანაშაულოს გრძნობაზე მიუთითებს. შესაძლოა ადრე არ შეასრულეთ პირობა, ან ვინმე გააბრაზეთ და გგონიათ, რომ ამის გამო გარშემომყოფები საყვედურის თვალით გიუყურებენ. ითხოვეთ პატიება და მაშინვე მოგეშვებათ. აღსანიშნავია, რომ ქალები ხშირად ხატავენ არა მხოლოდ ჯვრებს, არამედ აფორმებენ მათ სხვადასხვა ელემენტებით.
სპირალები, წრეები, ტალღოვანი ხაზები
თქვენ საერათოდ არ გაღელვებთ სხვების პრობლემები. ძალიან ჩაკეტილი ადამიანი ხართ. არ გიყვართ, როდესაც თქვენს საქმეში ერევიან. შესაძლოა პატარა კრიზისის გადალახვა გიწევთ. შეეცადეთ თავი ხელში აიყვანოთ და არ მიაყენოთ თანამოსაუბრეს შეურაცხყოფა.
ვარსკვლავი
თუ ვარსკვლავის ხატვით იქცევთ თავს, ესეიგი ოპტიმისტი ბრძანდებით. ასეთი ადამიანი ნებისმიერი პრობლემას მარტივად და სწრაფად ჭრის. გარდა ამისა ასეთი ნახატის ავტორებს სურთ, რომ გარშემომყოფების ყურადღების ცენტრში მოექცნენ.
ფოთლებგაცვენილი ხე
ასეთ ხეს ხატავენ საკუთარ გრძნობებში დაკარგული და ნაწყენი ადამიანები. თუ ხატავთ სქელი ფესვებით, დიდი გაბარიტების მქონე ხეს, ნიშნავს, რომ ენერგიული და სიცოცხლისმოყვარული ბრძნდებით.
გულები
თქვენ სავსე ხართ გრძნობებით. გიყვართ მთელი მსოფლიო, გსურთ ყველა გამვლელს მოეხვიოთ და გაუნაწილოთ სითბო. თუმცა უნდა აღინიშნოს, რომ ხშირად ფარავთ ამ ემოციებს და გარედან ძალიან მკაცრი და მიუვალი ჩანხართ. რაც უფრო დიდია ნახატი, მით უფრო დიდია განსხვავება თქვენს ნამდვილ სახესა და ყოველდღიურ ნიღაბს შორის.
ფუტკრის სახლი
ნიშნავს, რომ ჰარმონიული, მშვიდი ცხოვრებისკენ მიილტვით. ასეთი ნახატი შესაძლოა ოჯახის შექმნის სურვილსაც გამოხატავდეს.
ყვავილები
ყვავილების და ფოთლების ხატვა, სიკეთეზე მიგვანიშნებს. ასეთ ადამიანებს უყვართ, როდესაც სხვას ეხმარებიან. ისინი ემოციურები და მგრძნობიარეები არიან. თუ ადმაიანი ხატავს ყვავილს ლარნაკში, ან ქოთანში, მას გამუდმებით სჭირდება ახალი ენერგიით ავსება.
ჭადრაკის დაფა
თუ ჭადრაკის დაფას ხატავთ, ნიშნავს, რომ რთულ სიტუაციაში ხართ. თქვენ გსურთ ყველა პრობლემის გადაჭრა, ოღონდ მხოლოდ საკუთარი ტაქტიკის და სტრატეგიის მიხედვით. სწორედ ისე, როგორც ეს ჭადრაკში ხდება. გარდა ამისა, თუ ხშირად ხატავთ ჭადრაკის დაფას, ეს ბევრ ფარულ კომპლექსზე მიუთიტებს.
წყარო: lollipop.ge
|
|
|
|
|
|
|
|
|
|
|
|
