ალოეს გამოყენებისას უნდა ავიღოთ მცენარის შუა და ქვედა ნაწილები ჩვენს პირობებში ალოეს ფოთლები მცირე ზომისაა. ამიტომ წვენის მისაღებად ფოთლებს ჯერ წნეხავენ და შემდეგ აორთქლებენ.
ალოეს ნედლ წვენს ოქტომბრის ბოლოდან ნოემბრის შუარიცხვებამდე წურავენ. ეს შემდეგნაირად კეთდება: შეაგროვეთ ქვედა და ღეროს შუაში განლაგებული ფოთლები, რომელთა სიგრძე 18 სმ-ს აღწევს და სამი წლისაა. კარგად გარეცხეთ ადუღებული წყლით, დაჭერით პატარა, 0,2-0,3 სმ ზომის ნაჭრებად, შეახვიეთ დოლბანდში და გაწურეთ. მიიღეთ 1 ჩ.კ. 2-3-ჯერ დღეში ჭამამდე 20-30 წთ.-ით ადრე.
ალოეს პრეპარატები გამოიყენება სხივური დაზიანებების, პირის ღრუს ლორწოვანი გარსის დროს, ის ცნობილია როგორც მასტიმულირებელი საფაღარათო და ქოლერეზული საშვალება , მას ხშირად ხმარობენ რქოვანის და თვალის დაავადებების, ტრამვების , ეგზემების ქალის სასქესო ორგანოების ანთებითი დაავადებების დროსაც. მისი მცირე დოზებით (0,05-0,2 გ) მიღება აუმჯობესებს საჭმლის მონელებას, მადას. ალოეს ახალი წვენი ხელს უწყობს ჭრილობის შეხორცებას. მის წვენს თაფლთან და კარაქთან ერთად იყენებენ ტუბერკულოზისა და საერთო სისუსტის დროს.
ალოეს წვენს ფართოდ იყენებენ კოსმეტიკაშიც. იგი კარგი ბიოსტიმულატორია.. ნაყენის გამოყენება შეიძლება გამოსავლებად პირის ღრუსა და ყელის ანთებითი პროცესების დროს.
პარასამკურნალო საშუალება
ალოეს წვენი
Succus Aloёs
გამოყენების ინსტრუქცია
შემადგენლობა: გ/ 100 მლ;
* ალოეს მშრალი ექსტრაქტი (extractum Aloes siccum) - 1,4 გ; 96% ეთილის სპირტი; სორბინის მჟავა ან ქლორბუთანოლჰიდრატი; გამოხდილი წყალი - საჭირო რაოდენობით 100 მლ-მდე შესავსებად;
ალოეს წვენის შემადგენლობაში შედის ანტრაგლიკოზიდები, ვიტამინი K, ლორწოვანი ნივთიერებები.
ფარმაკოლოგიური მოქმედება:
ახასიათებს ბაქტერიციდული, ანტივირუსული, ანთების საწინააღ¬მდეგო, ანტიოქსიდანტური მოქმედება. აძლიერებს კუჭ-ნაწლავის ტრაქტის ჯირკვლების სეკრეციას, ნაღვლის დენას, მადას, აუმჯობესებს საჭმლის მონელების პროცესს, აქვს სუსტი საფაღარათო მოქმედება. შეიცავს ბიოგენურ სტიმულატორებს, აძლიერებს კანის და ლორწოვანი გარსის რეგენერაციულ პროცესებს.
ჩვენება:
* ქრონიკული ჰიპოაციდური გასტრიტი, ენტეროკოლიტი, ქრონიკული შეკრულობა;
* უმადობა;
* ორგანიზმის წინააღმდეგობის უნარის დაქვეითება ინფექციური დაავადებების მიმართ;
* მწვავე რინიტი;
* წყლულოვანი სტომატიტი;
* ჩირქოვანი ჭრილობები, დამწვრობა, ტროფიკული წყლულები, ფურუნკულოზი, დერმატიტები, კანის ტუბერკულოზი, კანის სხივური * დაავადებები;
* საშვილოსნოს ყელის ეროზიები, კოლპიტები.
უკუჩვენება:
* ჰემორაგიული სისხლდენა, მეტრორაგია (მუცლის ღრუს ორგანოებში სისხლის მიდინების გაძლიერების გამო);
* ღვიძლის ციროზი, ქრონიკული პანკრეატიტი, კრონის დაავადება, წყლულოვანი ენტეროკოლიტი;
* დიფუზური გლომერულონეფრიტი;
შენიშვნა: ხანგრძლივმა გამოყენებამ შეიძლება გამოიწვიოს ორგანიზმის გაღარიბება კალიუმით და საგულე გლიკო¬ზიდების, ანტიარითმიული პრეპარატების მოქმედების გაძლიერება.
თიაზიდურ დიურეტიკებთან, ძირტკბილას პრეპარატებთან და კორტიკოსტეროიდებთან კომბინირებული მიღებისას, იზრდება კალიუმის დეფიციტის განვითარების რისკი.
გვერდითი მოვლენები:
საფაღარათო ეფექტის მიღების მიზნით ხანგრძლივი და დიდი დოზებით გამოყენებისას, შესაძლოა გამოიწვიოს მსხვილი ნაწლავის პერისტალტიკის დათრგუნვა ლორწოვანი გარსის გაღიზიანების გამო;
მიღების წესი და დოზირება:
პერორალურად: 1 ჩაის კოვზი 2-3-ჯერ დღეში ჭამამდე 20-30 წუთით ადრე. მკურნალობის კურსი 15-30 დღე.
წვეთების სახით: 5-8 წვეთი თითო ნესტოში 2-3-ჯერ დღეში (ან 2-3 წვეთი 3-4-ჯერ დღეში).
გარეგანი გამოყენებისთვის: საფენების სახით.
გინეკოლოგიურ პრაქტიკაში: ტამპონების სახით.
წყარო: mary.ge