ომეგა-3 და ომეგა-6 ცხიმოვანი მჟავების გავლენა ადამიანის ჯანმრთელობაზე



ომეგა-3 ის და ომეგა-6-ის ბიოლოგიური ეფექტები დიდადაა დამოკიდებული მათ თანაფარდობაზე. დღეისათვის მიჩნეულია, რომ ევოლუციაურად ადამიანების კვებით რაციონში შემავალი ომეგა-3 ის და ომეგა-6 ის თანაფარდობა იყო 1:1. მაშინ როცა, თანამედროვე დასავლურ კულტურაში, მათი თანაფარდობა საშუალოდ არის 1:15.

ზოგიერთი კვლევების მიხედვით, ომეგა-6 ის ამდენად დიდი თანაფარდობით არსებობა ადამიანის ორგანიზმში, ომეგა-3 თან შედარებით, ზრდის ზოგიერთი დაავადების გაჩენის ალბათობას, მათ შორის გულსისხლძარღვთა დაავადებების და სიმსივნეების.

ერთ-ერთი კვლევის მიხედვით, ომეგა-6 ისა და ომეგა-3 ის 5:1 თანაფარდობას დადებითი ეფექტი ქონდა ასთმის მქონე პანციენტებში, მაშინ როცა 10:1 თანაფარდობას უარყოფითი ეფექტი ქონდა მათ ჯანმრთელობაზე. ასევე 2-3:1 თანაფარდობისას, რევმატოიდული ართრიტის მქონე პაციენტებში შემსუბუქდა ანთებითი პროცესები.


პოლიუჯერი ომეგა-6 ცხიმოვანი მჟავების დიდი დოზით მოხმარებამ შესაძლოა გაზარდოს პოსტმენოპაუზულ ქალებში მკერდის სიმსივნის გაჩენის ალბათობას, ხოლო კაცებში პროსტატის სიმსივნის.

დღეისათვის ითვლება, რომ ომეგა-6 ისა და ომეგა-3 ის ოპტიმალური თანაფარდობა ადამიანისთვის არის 4:1 თან, ან უფრო ნაკლები.

ომეგა-3 ის გავლენა ჯანმრთელობაზე: აქვს სუსტი ანტიჰიპერტენზიული თვისებები, ისინი ამცირებენ სისხლში ტრიგლიცერიდების რაოდენობას და ამით ამცირებენ გულის შეტევის მიღების ალბათობას. ზოგიერთი კვლევის მიხედვით, მას შესაძლებელია ანთების საწინააღმდეგო თვისებებიც ქონდეს.

თუმცა ომეგა-3 ჭარბმა მოხმარებამ, ასევე შესაძლებელია გამოიწვიოს უარყოფითი ეფექტები: FDA ის მიხედვით (United States Food and Drug Administration), ადამიანის მიერ, დღეში 3 გრამზე მეტის მიღებამ, შესაძლებელია გაზარდოს სისხლდენების რისკი და ასევე დაბალი სიმკვრივის ლიპოპროტეინული ქოლესტერინის რაოდენობა.

როგორც ჩანს, მიუხედავად იმისა, რომ ისინი ბევრ მნიშვნელოვან მეტაბოლურ პროცესებში იღებენ მონაწილეობას, მათმა არაადეკვატურმა რაოდენობამ შესაძლოა უარყოფითი გავლენა იქონიოს ადამიანის ჯანმრთელობაზე.

მათი თანაფარდობა ზოგიერთ მცენარეულ ზეთებში: სოიო 7:1, სელი 1:3, მზესუმზირა (არ შეიცავს ომეგა-3-ს), არაქისი (არ შეიცავს ომეგა-3-ს).

ომეგა-6 ცხიმოვანი მჟავების წყაროა:

* შინაური ფრინველები
* კვერცხი
* ავოკადო
* კაკალი
* პურეული მარცვლოვნები
* სოიოს ზეთი
* მზესუმზირის ზეთი
* სელი
* საფლორის ზეთი
* უმეტესობა მცენარეული ზეთები

ომეგა-3 ცხიმოვანი მჟავების წყაროა:

* თევზეული, მათ შორის, ორაგული, ქაშაყი, სკუმრია და სხვა
* სელის თესლი და მისგან დამზადებული ზეთი;მისი შემადგენლობის 55% ს შეადგენს ალფა ლინოლეის მჟავა ( ომეგა-3 ცხიმოვანი წარმომადგენელი)
* ძროხის ხორცი
* ძუძუმწოვრების ტვინი და თვალები

წყარო: caloriesdiet.ge
































ტექსტის სანახავად გაიარეთ რეგისტრაცია.