ალბათ ჩვენს ბებიებს აზრადაც არ მოსვლიათ იღლიებიდან ან ბიკინის ზონიდან თმის მოცილება. თანამედროვე ქალი, რომელიც თავს უვლის და აფასებს, აუცილებლად უნდა გათავისუფლდეს ყველა არასასურველი თმის ღერისგან რეგულარულად. ამისათვის არსებობს დეპილაციის სხვადასხვა სახეობები. რომელი მათგანს აირჩევთ ეს თქვენზეა დამოკიდებული, ჩვენ მხოლოდ გირჩევთ:
ზედმეტი თმის მოცილების ყველაზე სწრაფი, მსუბუქი, იაფი და საიმედო მეთოდია გაპარსვა. თუმცა ქალბატონების დიდი ნაწილი უარს ამბობს მის გამოყენებაზე. ამის მიზეზად ასახელებენ გავრცელებულ აზრს, თითქოს რეგულარული პარსვა ხელს უწყობს თმის კიდევ უფრო ჭარბად და უხეშად ამოსვლას. უკვე დიდი ხანია დამტკიცებულია, რომ ეს ასე არ არის. ამ მეთოდის პოპულარობა უდავოა. ამის დამადასტურებელია სამართებლების სხვადასხვა დიზაინი, რომელბსაც სხვადასხვა კოსმეტიკურ მაღაზიებსა და მარკეტებში შეხვდებით. ასევე საპარსი ქაფების მრავალფეროვნება და პარსვის შემდეგ მოსახმარი კანის დამარბილებელი ლოსიონების ნაირიგვარობა, თავისი მრავალფეროვანი არომატებით.
პოპულარობის მიხედვით თმის მოცილების პროცედურებში მეორე ადგილზეა ცვილით დეპილაცია - ვაკსინგი. ეს ძალიან ძველი მეთოდია. ადრე, ცვილის ნაცვლად იყენებდნენ გამდნარ შაქარს. ახლა კი თქვენ შეგიძლიათ წაისვათ სპეციალური ცვილი საჭირო ადგილას, დაფაროთ ის სპეციალური ხელსახოცით და ხელის სწრაფი მოქმედებით აიცალოთ გარკვეული დროის შემდეგ. ამ მეთოდით თმა მოგცილდებათ კონკრეტულ ტერიტორიაზე, სადაც ხელსახოცი იყო დაკრული. დეპილაციის ამ მეთოდის გამოყენების შედეგად თმა ამოიდის 2-3 კვირაში. ვაკსინგს ხშირად ისინი ირჩევენ, ვისაც სახის დეპილაციაც სჭირდება. ამისათვის არსებობს სპეციალური ცვილი და პრეპარატები, რომლებიც პროცედურის მაქსიმალური დელიკატურობით ჩატარების საშუალებას იძლევა.
ქიმიური დეპილაცია ნაკლებ პოპულარულია. მაგრამ ეს არ ნიშნავს, რომ ის ეფექტური არ არის. თანამედროვე მწარმოებლები უშვებენ ქიმიურ დეპილატორებს სხვადასხვა ფორმით, ესაა ლოსიონები, გელები, აეროზოლები, საცხი და ა.შ. ასეთი ტიპის დეპილატორები ახდენენ თმის კანქვეშა, ცილოვანი ძირების სტრუქტურის მოშლას. ყელაზე ხშირად ასეთი ტიპის დეპილატორები იწარმოება სხეულის განსაზღვრული ადგილებისათვის. მათი ეფექტურობა დამოკიდებულია სხეულის ამა თუ იმ ნაწილის კანის მგრძნობელობაზე.
ყველა ზემოთჩამოთვლილი დეპილაციის ტიპი ხდება მეორეხარისხოვანი, როცა საქმე ლაზერულ ეპილაციას ეხება. ის პოპულარობის პიკზეა მთელ მსოფლიოში. მიუხედავად იმისა, რომ ეს პროცედურა იაფი ნამდვილად არ არის, მისი შესაძლებლობები ძალიან ეფექტური და უდავოა. ეს პროცედურა უმტკივნეულო და უსაფრთხოა კანისთვის. ლაზერული სხივის ზემოქმედბით თმის ფოლიკულა შრება და იწვის, რაც ხელს უწყობს გრძელვადიან ეფექტს.
ჩვენ წარმოგიდგინეთ დეპილაციის ყველაზე პოპულარული მეთოდი, თუმცა არ უნდა დაივიწყოთ, რომ არსებობს ისეთი მეთოდებიც, როგორიცაა: შუგარინგი, ელექტროლიზი, თერმოლიზი, სიქვენშალ-ბლენდ, ფლეშ-მეთოდი, ძაფით დეპილაცია, ელექტრო და ულტრაბგერითი დეპილაციაც კი. თქვენ შეგიძლიათ მოსინჯოთ თითოეული მათგანი და შეარჩიოთ ზუსტად ის, რომელიც ყველაზე მეტად მისაღები იქნება თქვენი კანისთვის.
წყარო: babyinfo.ge
დეპილაციის სახეობები
⏱️ 1 წთ.
👁️ 2 642
100%