არის საკვები პროდუქტები, რომელიც მაცივარში არ უნდა შეინახოთ.
პური: მაცივარში ჩადებით პურის დაძველების პროცესს ვერ შეაჩერებთ, პირიქით, მის გამოშრობას დააჩქარებთ, თანაც, მაცივარში არსებული სუნები პურში შეიწოვება.
ნიორი: ის სიცივეში არ უნდა შეინახოთ. მთავარია, ნიორი მშრალ ადგილას მოათავსოთ, რომელიც ნიავდება. ასე ეს პროდუქტი უკეთ შეინახება.
მწარე სოუსი: მიღებულია, რომ ეს პროდუქტი მაცივარში უნდა ინახებოდეს. თუმცა მისი შემდაგენელი კომპონენტები - ძმარი, შაქარი, მარილი შესანიშნავი კონსერვანტებია. სოუსის ადგილი მაცივარში არაა.
კარტოფილი: დაბალ ტემპერატურაზე კარტოფილში არსებული სახამებელი შაქრად იქცევა. ამ პროდუქტს +7 ტემპერატურაც კი ვერაფერს დააკლებს. კარტოფილი თქვენს სათავსოში, ქაღალდის პაკეტში საუკეთესოდ შეინახება.
პომიდორი: მაცივარი პომიდორს არ უხდება, გემოს უფუჭებს. უმჯობესია, ეს პროდუქტი მაგიდაზე შეინახოთ, ოთახის ტემპერატურაზე. თუმცა, გახსოვდეთ, რომ მზის სხივებს უნდა მოარიდოთ.
ხახვი: ის უნდა შეინახოთ ბადეში, რათა მუდმივად ნიავდებოდეს. მაცივარში ის სწრაფად ლპობას იწყებს. თანაც, ხახვი უნდა ინახებოდეს სიბნელეში, რათა მისი გემო არ შეიცვალოს. ისიც გახსოვდეთ, რომ კარტოფილთან ახლოს დადებული ხახვიც ადვილად ფუჭდება.
ყავა: ბევრს მიაჩნია, რომ ყავის ადგილი მაცივარშია, თუმცა, ისინი ცდებიან. მაცივარში ყავას გემო დაეკარგება. ამასთანავე, ყავის მძაფრი სუნი მაცივარში სხვა პროდუქტების სუნსა და გემოზეც აისახება.
წყარო: info9.ge
სასწრაფოდ მოაშორეთ ეს პროდუქტები მაცივრიდან!
⏱️ 1 წთ.
👁️ 18 465
100%