„ჯანსაღი“ ნაბიჯები...
როგორც პროფესიონალები იუწყებიან, ის რაც ელეგანტურად გამოიყურება, ჯანსაღი და ჯანმრთელიც გახლავთ. თუ ქალბატონს სურს გამოიყურებოდეს ელეგანტურად და ამასთანავე, თავს კომფორტულად გრძნობდეს, უნდა იაროს სწორად და გაექცეს ყოველგვარ ტრავმებსა და ტერფის დაზიანებებს. პირელ რიგში, ქალბატონმა ნაბიჯის სიგრძე უნდა გააკონტროლოს. ერთი ფეხის ცხვირი ძალიან შორს არ უნდა სცილდებოდეს მეორე ფეხის ქუსლს, წინააღმდეგ შემთხვევაში სიარული ელეგანტური კი არა, საშინელი იქნება. ძალიან გრძელი ნაბიჯების შემთხვევაში შესაძლოა ფეხი გადაგიბრუნდეთ და შედეგი სავალალოც კი აღმოჩნდეს.
რა არის მაღალი ქუსლი...
ქალბატონების ძალიან დიდ ნაწილს გონია, რომ 2-3 სანტიმეტრის სიგრძის მქონე ქუსლიც მაღალია. სინამდვილეში კი მაღალ ქუსლად ათ სანტიმეტრზე მეტი სიგრძის მქონე ქუსლი ითვლება. მიუხედავად ამისა პროფესიონალები ქალბატონებს ურჩევენ არ მიანიჭონ უპირატესობა ათ სანტიმეტრზე დიდი სიგრძის მქონე ქუსლს. 8-10 სანტიმეტრი საშუალებას მოგცემთ გამოიყურებოდეთ ელეგანტურად, უფრო მაღალი ქუსლი კი შესაძლოა პროფესიონალებისთვისაც დამღუპველი აღმოჩნდეს.
სანამ ჩავიცვამთ...
სანამ მაღალქუსლიან ფეხსაცმელს მოირგებთ, აუცილებელია ტერფების მასაჟი. პირვე რიგში ტერფებით ჰაერში რამდენიმეჯერ მოხაზეთ რგოლი, ფეხსაცმლის მორგების შემდეგ, კი დრო და დრო ფეხის თითები აათამაშეთ, არ შეიძლება ფეხსაცმელში ტერფი უმოძრაოდ დატოვოთ, ეს კუნთების დაჭიმულობასა და სერიოზულ ტკივილებს გამოიწვევს.
რა სიხშირით...
პროფესიონალები ქალბატონებს არ ურჩევენ მაღალქუსლიანი ფეხსაცმელი ძალიან ხშირად მოირგონ. ყოვლად უარყოფილია მათი ყოველდღიური ტარება. ორთოპედები კი ქალბატონებს ურჩევენ ძალიან დაბალი ქუსლის მქონე ფეხსაცმელზე უარი თქვან, ფეხის კუნთებისა და ვენებისთვის აუცილებელია ფეხსაცმლის ქუსლის სიგრძე 2-4 სანტიმეტრს შეადგენდეს.
ჯანმრთელობასთან დაკავშირებული პრობლემები...
ქალბატონების ძალიან დიდი ნაწილი მაღალქუსლიან ფეხსაცმელს მრავალი წლის განმავლობაში თითქმის ყოველდღიურად ატარებს. შედეგად კი მათ ჯანმრთელობასთან დაკავშირებით გარკვეული პრობლემები ექმნებათ. განსაკუთრებულად ფეხის თითები ზარალდებიან. ისინი ფორმასაც კი კარგავენ ხშირ შემთხვევაში. ასევე შესაძლოა გაჩნდეს ტკივილები კოჭის, მუხლისა და წელის არეში.
წყარო: presa.ge