1. შეიტყვეთ რეალური პრობლემა.
ყოველთვის, როცა თქვენში გაიგვიძებს სიზარმაცის მონსტრი, აიღეთ დამკვირვებლის როლი და გაიგეთ საიდან იზრდება ,,ფეხები". თვითონ სიზარმაცე-ეს არ არის მიზეზი, ეს უბრალოდ სიმპტომია. ჩვენი მიზანია ამ მიზეზის გაგება.
კითხეთ თქვენს თავს, რომელი მომენტიდან შემოგიტიათ სიზარმაცემ ? თქვენ დაიღალეთ, გაქვთ დატვირთული გრაფიკი, რაღაცის გეშინიათ, დარდობთ ან იქნებ უბრალოდ მოიწყინეთ ? კარგად იფიქრეთ, რომ დაინახოთ რეალური მიზეზი, როცა ამას შეძლებთ თქვენ თვითონ გაგიკვირდებათ, როგორ იოლად გადაჭრით ამ პრობლემას.
2. ახლა ფოკუსირდით ამ პრობლემაზე.
მიზეზის აღმოჩენის შემდეგ, თქვენ დაგებადებათ ისეთი აზრები, რომლებიც დაგეხმარებათ თავი იგრძნოთ კარგად. მაგალითად:
* თუ გადაიღალეთ, წადით დასასვენებლად.
* თუ ,,გადაიწვით" , დაიხიეთ ნაბიჯით უკან. გახსოვდეთ, რომ თუ სპილოს შეჭმა გსურთ ის უნდა დაჭრათ პატარა ნაწილებად. ასევეა დიდი ,,ტვირთიც", ის შეგვიძლია შევცვლოთ პატარა დავალებებით და მათი შესრულება გავანაწილოთ პრიორიტეტების მიეხედვით. ეს ხელს შეუწყობს ეფექტური გადაწყვეტილებების მიღებას.
* თუ გეშინიათ, გაარკვიეთ რისი? სავარაუდოდ, ეს ის არის, რისი გაკეთებაც გსურთ, მაგრამ ღელავთ, რომ არ გამოგივათ. მაგრამ ეს მხოლოდ იმ შემთხვევაში არ გამოვა, თუ არ გააკეთებთ. გაკეთების შემთხვევაში ყოველთვის არის რაღაც შედეგი.
* თუ თქვენ რამეზე დარდობთ, მაშინ ერთადერთი ექიმი, რომელიც დაგეხმარებთ დროა. ზოგჯერ საჭიროა დროის დახარჯვა ჭრილობების მოსაშუშებლად.
* თუ თქვენ უბრალოდ მოიწყინეთ, დაფიქრდით როგორ შეიძლება გახადოთ თქვენი ცხოვრება მრავალფეროვანი. რა სიახლეა საჭირო თქვენს ყოველდღიურობაში? მოსუმინეთ თქვენს გრძნობებს, იქნებ გსურთ ლამაზი მუსიკის მოსმენა, გემრიელი კერძები, გასეირნება, ახალი ურთიერთობები, მოგზაურობა ?
3. დაამყარეთ წესრიგი.
სანამ თქვენ გარშემო არ იქნება წესრიგი, მანამდე თქვენშიც იქნება ემოციური უწესრიგობა. ეს ენერგიის კარგვაა. თუ თქვენ გარშემო სისუფთავეა ეს განიჭებთ მეტ ენერგიას. არ აქვს მნიშვნელობა რა იქნება ეს, მანქანა, სამუშაო მაგიდა, ბინა, ჭურჭელი თუ რაიმე სხვა. თითქოს მნიშვნელოვანი არაფერია, მაგრამ მერწმუნეთ, ეს დიდ გავლენას ახდენს თქვენს ქვეცნობიერზე.
4. შეაჩერეთ შინაგანი დიალოგი.
ზოგჯერ თქვენი ქმედება განპირობებულია თქვენივე ფიქრებით. ზოგჯერ კი ფიქრები იწვევენ გარკვეულ ქმედებას. თუ თქვენ თავს გამუდმებით უმეორებთ, რომ ზარმაცი ხართ, ეს კარგ შედეგამდე ნამდვილად არ მიგიყვანთ. მხოლოდ თქვენ შეგიძლიათ შეაჩეროთ თქვენს თავში არსებული ხმაური და შეცვალოთ ის რაიმე პოზიტიურით. როცა თქვენ დაიწყებთ პოზიტიურად ფიქრს, თქვენი მდგომარეობაც ავტომატურად შეიცვლება.
5. იფიქრეთ სარგებელზე.
ფოკუსირდით აწმყოზე და იმაზე, თუ რა ბონუსების მიღებას შეძლებთ, იმ შემთხვევაში თუ იქნებით აქტიურები. რა მოხდება, თუ დილიდან საზარმაცობის ნაცვლად, დაკავდებით იოგით, დაასრულებთ სამუშაოს ან მოიმზადებთ გემრიელ საუზმეს? რა მოხდება, თუ ასე გააგრძელებთ ყოველდღე რამდენიმე თვის განმავლობაში?
შეიარაღდით ამ რეკომენდაციებით და შეასრულეთ ისინი. თქვენ მალევე დარწმუნდებით, როგორ რადიკალურად შეიცვლება თქვენი ცხოვრება. შემდეგ ეს გადაგექცევთ ჩვევად, თქვენ აღარ იზარმაცებთ და რაც მთავარია, აღარ მიეცემით სასოწარკვეთას.
თაკო ცილიკიშვილი
წყარო: www.Lady.Mcvane.Ge
მასალის გამოყენების პირობები: აუცილებელია წყაროს მითითება!!!