შესაკრებთა გადანაცვლებით...
ითვლება, რომ უფრო ხშირად დაუკმაყოფილებელი კაცია. ხშირია ჩივილი, რომ რამდენიმე წლის ერთობლივი ცხოვრების შემდეგ, კერძოდ, ბავშვების დაბადების შემდეგ, ინტიმური ცხოვრება უბრალოდ სულს ღაფავს: “გამუდმებით ზედმეტად გადაღლილია”, “მისთვის სრულებით სულ ერთია”, “გეგონება, ვეღარაფერი ვერასდროს ააღელვებს”. მაგრამ ყველაზე უცნაური ისაა, რომ ზუსტად ამდენივე ქალი თვლის საკუთარ თავს დაუკმაყოფილებლად: “მას ყოველთვის მხოლოდ კარიერა აინტერესებდა”, “არასდროს ცდილობს ჩემს ცდუნებას” “ხან დაღლილია გამუდმებით, ან კიდევ სტრესულ მდგომარეობაში”.
სინამდვილეში, ბევრ ოჯახურ წყვილში ორივე პარტნიორი გრძნობს, რომ თავის მოთხოვნილებებს არც ისე ხშირად იკმაყოფილებს, რამდენადაც ისურვებდა. ძალიან ხშირად პარტნიორებს არ ადანაშაულებენ: თვლიან, რომ სამსახურმა, ბავშვებმა, ან კიდევ სხვა გარემოებებმა მოახდინა სექსუალურ ცხოვრებაზე გავლენა.
თუმცა შემთხვევათა დიდ უმრავლესობაში, ცხადად ან ფარულად, ქალი ან ქმარს ადანაშაულებს ან პასუხისმგებლობის ნაწილს მაინც მას აკისრებს. და როცა ეს ხდება, განუზომლად ძნელდება მდუმარე წყენის არტახებიდან თავის დაძვრენა და სექსუალური ცხოვრების აღზევებაში დახმარება.
შრომის განაწილების მეთოდი აქ უადგილოა
ბევრი ქალბატონი თვლის, რომ ინიციატივა კაცის უნდა იყოს, რომ მამაკაცი მოვალეა, ყველაფერი იცოდეს სექსზე და უნდა იცოდეს ამ ცოდნის ოსტატურად გამოყენებაც. ხოლო ქალს ისღა დარჩენია, რომ ბალიშებზე გადაწვეს და იფიქროს, რა გააკეთოს საუზმისთვის. ქალები უმრავლესობა სექსუალური პარტნიორების უნარ-ჩვევებით უკმაყოფილებას გამოხატავს. მაგრამ, როცა მათ რაიმე ნაბიჯების გადადგმას სთავაზობენ, სქესობრივი ცხოვრების გასაუმჯობესებლად, თითქმის ყოველთვის პასუხად ისმის: “მე რატომ? ინიციატივა, უეჭველად, მისი უნდა იყოს”. ისინი უარს ამბობენ, იმის გაგებაზე, რომ მათი პარტნიორების სურვილის ჩაქრობა შეიძლება ქალური სექსუალური გულისხმიერების არარსებობით იყოს გამოწვეული. ქალიც უნდა იჩენდეს ძალისხმევას. თუ კაცი არასაკმარისაც გამოხატავს სურვილს, ეს გარკვეულწილად ქალის ბრალია, და არა მამაკაცის. ის, ვინც საკუთარ თავში სიახლის შეტანის ძალას გრძნობს, საკუთარი სურვილებისკენ ნაბიჯები თავად უნდა გადადგას და მერე პრობლემებში დამნაშავე არ უნდა ეძებოს.
ცდა-ტანჯვაა
ყოველ საღამოს, დასაძინებლად რომ მიდის, ქმარი პიჟამას იცვამს, ხელში წიგნს იღებს და მანამდე კითხულობს, სანამ ცოლი არ გადაბრუნდება და არ დაიძინებს. თავისი ბუნებით მამაკაცები ძალიან არიან დამოკიდებული გარკვეული წესრიგის მიმართ და ამით საკუთარ თავს მახეში აგებენ. რით შეიძლება კაცის გამოცოცხლება? რისი გაკეთებაა საჭირო, რომ ურთიერთობაში რეგულარული სექსუალური ურთიერთობების იდეა დააბრუნო?
ყველა ქალი თავის გზას ირჩევს. "სამი კვირის მანძილზე არ ვყოფილვართ ერთად. საზიზღრად ვგრძნობდი თავს. ვცდილობდი, სიმშვიდე არ დამეკარგა; ვცდილობდი, განსაკუთრებით მომხიბვლელი ვყოფილიყავი, მაგრამ ის საერთოდ ვერაფერს ამჩნევდა. ბოლოს და ბოლოს, ჩემს თავს ვაჯობე - სალონში ვარცხნილობა მაკიაჟი გავიკეთე, გამჭვირვალე შავი პენუარიც შევიძინე და როცა ქმარი სახლში დაბრუნდა, დივანზე მოვკალათდი და მოვუხმე, ძვირფასო, შენთან მინდა-მეთქი. მან კი სულ სხვანაირად გაიგო. მგონი გადაწყვიტა, რომ ამ ყველაფერს იმიტომ ვაკეთებ, რომ არც ისე კარგია მასთან ლოგინში. და ის, რაც მაცდუნებელ საღამოდ და დაუვიწყარ ღამედ იყო ჩაფიქრებული, კამათითა და ბუტიაობით დამთავრდა. საშინელება იყო. თავს მეძავად ვგრძნობდი, თან წარუმატებელ მეძავად”.
ფრთხილად - მამაკაცური ღირსება!
მაშ ასე, ქალი ცდილობდა, საკუთარი თავის მიმართ მამაკაცის სექსუალური ინტერესი აღედგინა, მაგრამ ეს ცდა წარუმატებელი აღმოჩნდა. რატომ? რა გაკეთდა არასწორად? გადაწყვეტილება კოსტრუქციული იყო, მაგრამ მოცემულ სიტუაციაში ქმარმა თავი ვალდებულად იგრძნო , გამოხმაურებოდა ქალის ძახილს. მას ქალის სურვილის ასრულებამართებდა. მაგრამ ასეთი ძახილის უარყოფა მისთვის უფრო ადვილი აღმოჩნდა, ვიდრე იმის ჩვენება, რომ ახლა ამ სურვილის გაზიარებისთვის მზად არ არის.
მოგვიანებით გამოირკვა, რომ ქმარს სამსახურში უსიამოვნებები ჰქონდა და ოჯახურ სარეცელზე დროებითი ჩავარდნა სწორედ ამ საზრუნავმა განაპირობა. იმ ტიპის ადამიანებს მიეკუთვნებოდა, რომელთა პოტენციაც დიდადაა დამოკიდებული გარეგან ნეგატიურ ზემოქმედებაზე.
მიუხედავად იმისა, რამდენად მომხიბვლელად გამოიყურებოდა, ცოლი არ უნდა მოქცეულიყო ისე, რომ ქმარში სექსუალური პასუხისმგებლობის გრძნობა გაეღვიძებინა, თანაც იმ სცენარით, რომელიც კაცისგან საკუთარი თავის გადალახვას და იძულებას ითხოვდა. სტრესულ სიტუაციაში კაცმა თავი ცუდად იგრძნო და გადაწყვიტა: ოჯახშიც და სამსახურშიც ერთნაირად უიღბლო ვარო.
მამაკაცის სქესობრივ აქტიურობაზე ძალიან ბევრი ფაქტორი მოქმედებს. როცა რაიმე სახის სტრესი აქვს, ეს პირველ რიგში სწორედ ინტიმურ სფეროზე აისახება. ხანდახან სტრესი მსუბუქი დაძაბულობითა და უმნიშვნელო პრობლემითაა გამოწვეული. მაგრამ ზემოქმედება სქესობრივ ცხოვრებაზე შეიძლება ღრმა და ხანგრძლივი აღოჩნდეს. პრაქტიკაში უამრავი ისეთი შემთხვევაა, როცა მოსიყვარულე ადამიანების ინტიმურ ცხოვრებას ღრმა ჭრილობას არასერიოზული პრობლემა აჩნევს. ამიტომ ქალი ყოველთვის მგრძნობიარე უნდა იყოს ქმრის ემოციური მდგომარეობის მიმართ, ტაქტი უნდა გამოამჟღავნოს და მოუთმენლობას არ დაჰყვეს.
მთავარი წესი
საკუთარ გამოცდილებაზე სტატიის წერაც შეიძლება და წიგნისაც, მაგრამ სექსუალური სტიმულირების უნივერსალურ სახელმძღვანელოს ვერავინ შეგიდგენთ. ყველა პრაქტიკული მითითება იმაზე, როგორ უნდა შეიყვარო ქმარი გულწრფელი და ღრმა გრძნობით თავიდან, როგორც პირველად, და როგორ მიიღო ინტიმური ურთიერთობიდან დადებითი ემოციის მთელი სპექტრი, არის უნიკალური, ასე ვთქვათ, ერთჯერადი. რადგან დამწერის გარდა არავისთვის გამოდგება!
ერთი სიტყვით, თუ მანერული და ამპარტავანი ქალების რიგს არ მიეკუთვნებით, მთავარ წესს დაუჯერეთ - რაც უნდა იყოს, თუ ორივეს გაღელვებთ, თუ ორივეს მოგწონთ, თუ ფარული ან ცხადი იძულებით არ კეთდება, და თუ ზიანს არ გაყენებთ, მაშინ ყოყმანი საჭირო არ არის, ეს ყოფილა თქვენი კონკრეტული წყვილისთვის ინტიმური სიახლოვით მისაღები ნეტარების წყარო და სწორედ მას უნდა დაეწაფოთ...
ტკბილ ოჯახურ ცხოვრებას გისურვებთ!..
წყარო: eva.ge