გადავწყვიტე სასარგებლო რჩევების რუბრიკაში 10 ასეთი პროდუქტი დაგისახელოთ:
თუ კი საფქვავის გაწმენდა მოგინდებათ, რომელშიც დარჩენილია ყავა ან სუნელების ნარჩენი, დაფქვით ბრინჯი. ის გაასუფთავებს საფქვავს, ზედმეტი ძალისხმევის გარეშე.
მარილი. იგი დაგეხმარებათ ამოიყვანოთ ღვინისა და ზეთის ლაქა მაგიდის საფარიდან, ან სულაც, ტანსაცმლიდან. მთავარია, რომ ლაქაზე მარილი დროულად მოაყაროთ.
კეტჩუპით შეგიძლიათ ცხიმიანი ქვაბი გარეცხოთ. უბრალოდ წაუსვით კეტჩუპი ქვაბს და რამდენიმე წუთი გააჩერეთ.
ბანანის ქერქი შეგიძლიათ ვერცხლის გასაპრიალებლად გამოიყენოთ. წაუსვით ქერქის შიდა ნაწილი ვერცხლის ნივთებს და ისიამოვნეთ მათი ბზინვარებით.
ნიგოზი, ხის ზედაპირზე გაჩენილ ნაკაწრს გაამკრთალებს. უბრალოდ უნდა გადაუსვათ ნიგოზი ნაკაწრს.
ცხიმიანი ლაქების მოსაშორებლად სიმინდის ფქვილი დაგეხმარებათ. მოაყარეთ აღნიშნული ფქვილი ცხიმიან ლაქებს და 15-20 წუთის განმავლობაში ლაქები გაქრება.
უმი ხახვი გაგასუფთავებინებთ ღუმელის ტაფას, ან გრილს.
კიტრის კანი დაგეხმარებათ გაწმინდოთ კედელზე ბავშვის ნათითურები, ან ლაქები. ასევე, იგი გამოიყენება სარკის საწმენდად.
თუ ჭურჭელი გაგიტყდებათ, ან თუნდაც ფანჯარა, ნატეხების ასაკრეფად დაგეხმარებათ დამბალი თეთრი პურის ნაჭერი. პური არ ვიცი, მაგრამ პირადად მე გამომიყენებია დასველებული ჭურჭრლის სარეცხი ღრუბელი.
იატაკზე თუ ტკბილი წვენი დაგეღვრებათ და მიახმება, გაწმინდეთ ის ზეითუნის ზეთში დასველებული ბამბით.
წარმატებას გისურვებთ!
წყარო: www.feme.ge