გთავაზობთ 10 სერიულ ავტომობილს, რომელთა საჭესთან აუცილებლად მიმზიდველი გამოჩნდებით:
10. Mercedes CLS 63 AMG Coupe
სილამაზისა და კლასის საოცარი სინთეზი ყოველდღიურ ავტომობილში. ელეგანტური და დახვეწილი გარეგნობით, ეს ავტომობილი გემოვნებიანი მამაკაცებისთვის საჭირო ყოველდღიური აქსესუარია. 5.5-ლიტრიანი, ორტურბინიანი V8 კი აუცილებლად მიიქცევს გამვლელთა ყურადღებას. CLS 63 AMG Coupe ნებისმიერი ქალბატონის მოხიბლვა შეუძლია.
9. Range Rover Sport
ბრიტანული, მდიდრული, SUV- კლასის სპორტული მონსტრი 2014 წელს უფრო მეტი შესაძლებლობებით არის აღჭურვილი. დამატებითი ფუნქციები და ტექნიკური გაუმჯობესებები მის რეპუტაციას ამყარებს. გზაზეც და უგზოობაზეც, სპორტული ,,რენჯი“ მოწოდების სიმაღლეზე გამყოფებთ. ქალბატონებს აუცილებლად მოეწონებათ Range Rover Sport და მოეწონებათ ისიც, თუ როგორ გამოიყურებით ამ ავტომობილში.
8. Range Rover Autobiography
კიდევ ერთი წარმომადგენელი ,,რენჯის“ ოჯახიდან. კომფორტული, ეშხიანი და პრიალა ყველგანმავალის დანახვა ნებისმიერი გემოვნების ადამიანის თვალს გაუხარდება. Autobiography თავისი ოჯახის ერთ-ერთი ყველაზე წარმატებული წევრია. სამეფო კომფორტის და სიმძლავრის ამ სინთეზით ნამდვილად არ გაგიჭირდებათ სასურველი შთაბეჭდილების მოხდენა.
7. Mercedes G63 AMG
,,მერსედესის“ ლეგენდარული ყველგანმავალი ერთ-ერთი ყველაზე ქარიზმატული ავტომობილია ავტო-ინდუსტრიის ისტორიაში. ათლეტური და მდიდრული მონსტრი სიმძლავრის, სიხისტის და დახვეწილობის დემონსტრირებას ახდენს. შეიძინეთ ეს ,,ცუდი ბიჭი“ და მისი ქარიზმა თქვენი იმიჯის განუყრელი ნაწილი გახდება.
6. Chevrolet Corvette Stingray
უკვე 50 წელზე მეტია Corvette-ის ოჯახი მხოლოდ მისთვის სახასიათო და უმძლავრეს ავტომობილებს უშვებს. Stingray მათი მორიგი შედევრია. მცირე ზომის მყუდრო სალონით და მძლავრი V8 ძრავით ავტომობილი აუცილებლად გამოიწვევს საჭირო ემოციებს. ძრავის საოცარი ხმა კი კატალიზატორის როლს შეასრულებს მძღოლის და მის გვერდით მჯდომი ქალბატონის დაახლოებაში. სპორტული გარეგნობა და დახვეწილი სალონი დეტალების მიმართ მაქსიმალური ყურადღებით არის შესრულებული. ავტომობილში იდეალური ატმოსფეროა როგორც მარტო, ასევე კომპანიონთან ერთად მგზავრობისთვის.
5. Porsche 911 Turbo S
ქალბატონის მხოლოდ ერთი მზერა ამ ავტომობილზე და თქვენ უკვე თამაშში ხართ. შეუკვეთეთ ექსკლუზიური, შავი სალონი წითელი Carrera-ფერის ელემენტებით. აუდიოსისტემის ხარისხს თავდებად Bose უდგება. ტყავი და კარბონის ელემენტები ავტომობილის სალონს დამატებით ეშხს მატებს. ეს სწრაფი მხეცი ქალების ნამდვილი მაგნიტია.
4. Mercedes SLS AMG
მყუდრო, ადვილად სამართავი, ხმამაღალი, სწრაფი და მძლავრი - SLS AMG-ს ბევრი შეუძლია, განსაკუთრებით კი განუმეორებელი შთაბეჭდილების მოხდენა. ,,მერსედესის“ სპორტული ავტომობილის, SLS AMG GT3 სერიული გამოშვება თავის კლასში საუკეთესოდ ითვლება. SLS AMG აუცილებლად მიიპყრობს სასურველ ყურადღებას.
3. Audi R8
,,აუდის“ ერთ-ერთი ფლაგმანი 2014 წელს იმდენი მიმზიდველი ფუნქციით გამოვიდა, რომ რთულია ვერ გამოარჩიო ეს ,,ცხელი“ ოთხბორბლიანი აგრეგატი. ყოველდღიურობისთვის განკუთვნილი, სადა და დახვეწილი ინტერიერი საშუალებას გაძლევთ თამამად მიიწვიოთ თქვენთვის საინტერესო ქალბატონი ავტომობილით სასეირნოდ. რაც შეეხება გარეგნობას: სექსუალური LED-ფარებით, დახვეწილი დისკებით და საოცრად მიმზიდველი ძარით, ეს ავტომობილი გულგრილს არავის ტოვებს.
2. Lamborghini Gallardo LP560-4 Bicolore
Gallardo-ს ამ სპეციალურ სერიას ძალიან სექსუალური და დახვეწილი გარეგნობა აქვს. ორ ტონში გადაწყვეტილი ფერი ავტომობილის სახურავს დანარჩენი ნაწილისგან გამოყოფს. ამ ავტომობილით წარმოუდგენელია, რომ ქალბატონების ყურადღება ვერ მიიქციოთ. ელეგანტური, პრესტიჟული, სპორტული და მძლავრი ვის არ მოეწონება?
1. Ferrari 458 Italia
იტალიური საოცარი სილამაზე აგრძელებს კრიტიკოსების, მძღოლების და ქალბატონების დაინტრიგებას მთელს მსოფლიოში. 458 Italia ერთ-ერთი ყველაზე გამორჩეული ავტომობილია დღევანდელ ბაზარზე. ფუტურისტული, აგრესიული, დახვეწილი და ეშხიანი. ეს თვისებები თუ არ აღმოჩნდა საკმარისი სასურველი ქალის მოსახიბლად, მაშინ აახმაურეთ 458 Italia-ს საოცარი ძრავა და ყველაფერი თავის ადგილზე დადგება.
წყარო: autobild.ge