მასალა ცომისთვის:
* 0,5 ლ რძე ან წყალი
* 200 მლ ზეთი
* 180 გრ შაქარი
* 2 კვერცხი (თუ არ ვმარხულობთ)
* მარილი გემოვნებით
* 100 გრ საფუარი
* 850 გრ ფქვილი
მომზადება:
საფუარი გახსენით ცოტაოდენ რძეში ან წყალში, იქვე დაუმატეთ ცოტაოდენი ფქვილი, აურიეთ და გააჩერეთ თბილ ადგილას, სანამ ბუშტები არ გაუჩნდება მასას. გაითვალისწინეთ, რძე ან წყალი თბილი უნდა იყოს.
საფუვრიან მასას შეურიეთ წყალი, შაქარი, ზეთი და მარილი, აქვე დაუმატეთ კვერცხი (თუ სამარხვო ფუნთუშას არ ამზადებთ, იმ შემთხვევაში). ბოლოს შეაზილეთ ფქვილი.
ზილეთ ცომი 20 წუთის განმავლობაში. შედგით მაცივარში 30 წუთით.
* დაყავით ცომი ფუნთუშების სასურველი ზომის მიხედვით (ბევრ ფქვილს ნუ დააყრით).
* ტაფაზე წინასწარ წაუსვით ცხიმი ან დააფინეთ სპეციალური ქაღალდი გამოცხობისთვის.
* თქვენი სურვილისამებრ, შეგიძლიათ ზემოდან წაუსვათ კვერცხი.
* გამოაცხეთ მაქსიმალურ ტემპერატურაზე 12-15 წუთის განმავლობაში.
* დიდი ფუნთუშები ნაკლებ ტემპერატურაზე და უფრო დიდხანს აცხვეთ.
როცა ფუნთუშები შევარდისფრდება, გამოიღეთ ტაფიანად, გადმოაწყეთ ჩაის ტილოზე, ზემოდან წაუსვით ზეთი ან კარაქი და ჩაის ტილოში შეფუთული დატოვეთ 10 წუთით. შემდეგ შეგიძლიათ გადმოალაგოთ თეფშზე. ცხელ ფუნთუშებს ერთმანეთზე ნუ დააწყობთ, რომ არ ჩაცომდეს.
გაუკეთეთ ნებისმიერი ჯემის გულსართი.
წყარო: www.mary.ge