ურთიერთობის ოქროს წესები, რომელიც ყველას უნდა გვახსოვდეს



1. ნუ დააგროვებთ წყენას - ეს ძალიან ძვირად დაგიჯდებათ. უნდა ისწავლოთ პატიება, რადგან ეს საჭიროა პირველ რიგში, თქვენთვის. ამასთან, აუცილებელი არ არის განაგრძოთ ურთიერთობა მასთან, ვისზეც ნაწყენი ხართ.

2. ნუ გაუბრაზდებით ბავშვებს იმის გამო, რომ თქვენი არ ესმით. იმისთვის, რომ გაგიგონ საჭიროა იმავე ცხოვრებისეული გზის გავლა. თქვენს შორის დიდი დისტანციაა დროში, ასე იყო და იქნება. მამებისა და შვილების პრობლემა მარადიულია.

3. სიკეთის გაკეთების დროს ნუ დაელოდებით საპასუხო სიკეთეს. ნუ გექნებათ მოლოდინი იმისა, რომ გარშემომყოფებს უნდა უყვარდეთ და პატივს გცემდნენ. ისწავლეთ მიიღოთ სიამოვნება იმისგან, რომ თქვენ გასცემთ და სიკეთე აკეთეთ მაშინ, როცა გული გიკარნახებთ და არა მაშინ, როცა გაიძულებენ.

"დალოცვილია ის, ვინც არაფერს ელოდება, რადგან ის არასოდეს იქნება იმედგაცრუებული"(ა. პოპი).

4. ნუ გააკრიტიკებთ! "კრიტიკას აზრი არ აქვს რადგან ის ადამიანს აიძულებს თავი დაიცვას და როგორც წესი - მიისწრაფვის თავის მართლებისკენ. კრიტიკა სახიფათოა, რადგან ის დარტყმას აყენებს ადამიანის სიამაყეს, ამძაფრებს საკუთარი მნიშვნელოვნების შეგრძნებას და იწვევს წყენას" (დ. კარნეგი).

5. ნუ იკამათებთ, მაინც ვერავის ვერაფერს დაუმტკიცებთ. ყველა თავის აზრზე დარჩება. სხვა მაინც ვერ გაგიგებთ, მას სხვა ცხოვრებისეული გამოცდილება აქვს. "მსოფლიოში არსებობს კამათში გამარჯვების მხოლოდ ერთი მეთოდი - ეს მისგან გამოთიშვაა"(დ. კარნეგი).

6. ნუ მოახვევთ თავს თქვენს წარსულს გარშემომყოფებს თუკი ამის შესახებ არ გთხოვენ. ნებისმიერი თავსმოხვეული ქმედება, სიყვარულიც კი - ეს აგრესიაა.

7. სხვა ადამიანის საქციელის შეფასებისას შეეცადეთ მხედველობაში მიიღოთ სიტუაცია და გარემოება. ჩვენი დადებითი იმიჯი "მე" ბევრწილად დაკავშირებულია იმასთან, რომ ჩვენ შეგვიძლია ვაპატიოთ საკუთარ თავს შეუფერებელი საქციელი და გავამართლოთ იგი უსიამოვნო სიტუაციითა და გარემოებით, მაგრამ სხვას არ ვპატიობთ, როცა მის პორტრეტს ვქმნით, სიტუაციიდან და გარემოებიდან გამომდინარე.

8. ნუ მოითხოვთ და ნუ დაელოდებით სხვებისგან თქვენთან მსგავსებას. არსებობენ სხვადასხვა ტიპის ადამიანები, რომლებიც განსხვავდებიან შეგნებისა და თვითშეგნების სხვადასხვა დონით. ეს განსხვავება ადამიანებს შორის ისეთივეა, როგორც განსხვავება ცხოველებს შორის. ერთი ტიპის ადამიანებს შორისაც კი არსებობს ინდივიდუალური განსხვავება. ამიტომ არ ღირს განცვიფრება აზრებს, ქცევებს, მოტივებსა და ღირებულებებს შორის სხვაობის გამო.

წყარო: www.b2p.ge
































ტექსტის სანახავად გაიარეთ რეგისტრაცია.