მიუხედავად იმისა, რომ ალკოჰოლის მოყვარულებს კარგად აქვთ გააზრებული, რომ სასმელი მათი ჯანმრთელობისთვის დამღუპველია, ამ მავნე სითხის გამოყენებისთვის ისინი გამართლებას მაინც პოულობენ. მაგალითად, ხშირად აპელირებენ ეგზოტიკურ ხალხურ რეცეპტებზე გაციებასთან ბრძოლის, უძილობის და უხასიათობის მიზეზით. სხვათა შორის, ზოგიერთ შემთხვევაში დადებითი შედეგი მართლა დგება, მაგრამ ეს მაინც ხანმოკლე პროცესია და ორგანიზმის მომენტალურ და „გავლით“ რეაქციას წარმოადგენს.
არსებობს ხუთი მითი, რომლითაც ალკოჰოლის მოყვარულები მისი მიღების გამართლებას ცდილობენ, სინამდვილეში კი ის დადებითი შედეგები, რაც გარკვეული ტიპის სასმლის მიღებას ახასიათებს მხოლოდ დროებით დგება.
1. გაციების საწინააღმდეგო საშუალება - ეს არაყის ან კონიაკის მიღების ყველაზე პოპულარული მეთოდია. ამ შემთხვევაში, ალკოჰოლს დროებითი შვება მართლა მოაქვს (სულ რაღაც ერთი ან ორი საათით), რადგან ფართოვდება ზედაპირული კაპილარები, სწორედ აქედან მოდის ორგანიზმის „გათბობის“ შეგრძნება.
2. პოტენციის ამაღლება - მამაკაცები, რომელთაც სასიყვარულო ფრონტზე პრობლემები აქვთ, ხშირად მიმართავენ „სასწაულმოქმედ“ ალკოჰოლს. სინამდვილეში, სასმელს მხოლოდ ფსიქოლოგიური ეფექტი აქვს, ხსნის კომპლექსს და მოდუნების საშუალებასაც იძლევა. ფიზიოლოგიურ დონეზე კი ის ტესტოსტერონის დონეს ამცირებს და მამაკაცს რეალური პრობლემების წინაშე აყენებს.
3. ძილის იდეალური საშუალება - ალკოჰოლიკის ძილი მართლა ძალიან ღრმაა, თუმცა სრუფლასოვანს მას ვერ დავარქმევთ. თრობის დროს ორგანიზმი დასვენებას ვერ ახერხებს და გაღვიძებულს ისევ ძილს სთხოვს, რაც ნერვული სისტემის სრულფასოვნად მუშაობას აფერხებს.
4. შემოქმედების სტიმულატორი - ბევრი დიდებული ადამიანი შთაგონებას სპირტიან სასმელში ეძებდა, თუმცა მათი შემოქმედებითი შესაძლებლობები გაცილებით უფრო ნელა იზრდებოდა, ვიდრე ალკოჰოლზე დამოკიდებულება. ორგანიზმს ალკოჰოლის უფრო და უფრო მეტი დოზა სჭირდებოდა მაშინ, როდესაც ტვინის ფუნქციების დეგრადირება დროთა განმავლობაში უფრო მეტად შესამჩნევი ხდებოდა.
5. დეპრესიის საწინააღმდეგო საშუალება - მაგარი სასმელები ნერვულ რეაქციებს აფერხებენ. ადამიანები დეპრესიისგან გარკვეული პერიოდით პრობლემების დავიწყების ხარჯზე თავისუფლდებიან. სინამდვილეში, ეს პრობლემები არსად არ მიდის და მათ წინაშე ახალი სიმწვავით დგება. ეს კი იმას ნიშნავს, რომ ალკოჰოლი პრობლემებს ვერ აგვარებს.
წყარო: sazogadoeba.ge
5 მითი ალკოჰოლის შესახებ
⏱️ 1 წთ.
👁️ 1 411
100%