ალუმინის ამ თხელ ფენას, რომლის მინიმალური სისქე 0,01 მილიმეტრია, გამოყენების უჩვეულოდ ფართო სპექტრი გააჩნია. გასწავლით ალუმინის ფოლგის გამოყენების ხერხებს, რომლებიც ცხოვრებას გაგიმარტივებთ.
მაშ ასე, ის მიზეზები, რის გამოც, სახლში ყოველთვის უნდა გქონდეთ ალუმინის ფოლგა:
სახლის საფუძვლიანი დალაგებისას დიასახლისებს ძალიან ეძნელებათ მძიმე ავეჯის ერთი ადგილიდან მეორეზე გადატანა. ამ პროცესს შეიძლება, იატაკზე არასასურველი ნაკაწრებიც მოჰყვეს. ავეჯის ფეხს რამდენიმე ფენად დაკეცილ ფოლგას თუ ამოუდებთ, ეს საქმე გაცილებით გაადვილდება.
საოჯახო ტექნიკის პულტისთვის საჭირო ზომის ელემენტი თუ ვერ შეარჩიეთ, აიღეთ ალუმინის ფოლგის პატარა ნაჭერი, რომელიც შესანიშნავად ატარებს ელექტრობას, დაამრგვალეთ და ჩადეთ ელემენტის ბუდეში.
ალუმინის ფოლგა შესანიშნავად ირეკლავს სითბოს. თუ ოთახში ცივა, ტემპერატურის მომატება შესაძლებელია ალუმინის ფოლგისგან დამზადებული სპეციალური ამრეკლი თერმოპანელის საშუალებით, რომელსაც გამათბობელი მოწყობილობის უკან მოათავსებთ.
თუ არ გსურთ, თქვენს ღვეზელს მშრალი და უხეში კიდეები ჰქონდეს, ღუმელში შედგმის წინ ფოლგა შემოახვიეთ. ღვეზელის კიდეები საოცრად ფაფუკი და ჰაეროვანი გამოვა.
გამხმარი პურის, ფუნთუშის ან, სულაც, პიცის გაახლება შესაძლებელია, თუ რამდენიმე წვეთ წყალს მოვაპკურებთ, მჭირდოდ შემოვახვევთ ფოლგის ქაღალდს და 5 წუთით ცხელ ღუმელში შევდგამთ.
ალუმინის ფოლგის დახმარებით შესაძლებელია, გაშავებული ვერცხლის ნაკეთობების გაწმენდა. ჩააფინეთ ქვაბში ალუმინის ფოლგა, დაასხით წყალი და დაუმატეთ ორი ჩაის კოვზი სოდა. ვერცხლის ნაკეთობები ამ ხსნარში გააჩერეთ 15-20 წუთის განმავლობაში და შემდეგ მშრალი ნაჭრით გაწმინდეთ.
საჭირო დროს სახლში ძაბრი თუ ვერ აღმოაჩინეთ, მის ფუნქციას კონუსის ფორმით დახვეული ალუმინის ფოლგა შეასრულებს.
შეიძლება არ დაიჯეროთ, მაგრამ ბურთივით დამრგვალებული ფოლგის ნაჭერს შეუძლია, მშვენივრად გაწმინდოს თქვენი სამზარეულოს ინვენტარი და ონკანებს ჟანგი მოაცილოს. თუმცა, ამ ხერხს ნუ გამოიყენებთ ტეფლონის ტაფების წმენდისას.
ალუმინის ფოლგით შესაძლებელია, უჩვეულო და ორიგინალური მანიკურის გაკეთება. წაისვით ფრჩხილზე უფერული ლაქი და ზედ ფრჩხილის ზომაზე გამოჭრილი ფოლგა დაიკარით. რამდენიმე წუთი გაიჩერეთ და შემდეგ ფრთხილად მოიხსენით ფრჩხილიდან. კარგი იქნება, თუ თქვენს უჩვეულო მანიკურს ზემოდან უფერო ლაქს გადაუსვამთ.
თუ თქვენს საშრობ კარადაში ბურთივით დამრგვალებულ ფოლგას მოათავსებთ, ეს ტანსაცმელს „სტატიკური დამუხტვისგან" იხსნის.
მაკრატელი ახალივით ბასრი გახდება, თუ ამ მაკრატლით რამდენიმე ფენად დაკეცილ ფოლგას გაჭრით.
დელიკატური ქსოვილების გასუთავებას გაცილებით იოლად მოახერხებთ, თუ ქსოვილსა და საუთოო მაგიდას შორის ალუმინის ფოლგას მოათავსებთ. ჩართეთ უთოზე ორთქლის გამოშვების რეჟიმი და ქსოვილს, შეხების გარეშე, 3 სანტიმეტრის დაშორებიდანაც გააუთოვებთ.
ბანანი მალფუჭებადი ხილია, მაგრამ ალუმინის ფოლგის დახმარებით თქვენ მას „სიცოცხლეს" გაუხანგრძლივებთ. შემოახვიეთ ფოლგა ბანანის ყუნწს და ის დიდხანს არ გაფუჭდება.
კვერცხები ხარშვის პროცესში არ დასკდება, მოხარშვის წინ ფოლგას თუ შეამოახვევთ.
თითქოს დაუჯერებელია, მაგრამ ალუმინის ფოლგის საშუალებით, ჯანმრთელობის პრობლემებსაც მოაგვარებთ. თუ გაწუხებთ ოსტეოქონდროზი, წელის ან ფეხის ტკივილი, მტკივნეულ ადგილზე მბზინავი ზედაპირით დაიდეთ ფოლგა და ლეიკოპლასტირით მიიმაგრეთ. ამ მეთოდით, ბიოდენები, რომლებსაც ჩვენი ორგანიზმი გამოყოფს, აირეკლებიან, ეს კი სასიკეთოდ იმოქმედებს დაავადებულ ორგანოზე და ტკივილი უმოკლეს დროში გაივლის.
funtime.ge