უგემრიელესი და განსხვავებული მარწყვის ტორტი - ასეთი ჯერ არ გაგისინჯავთ!



მარწყვის ტორტის ეს რეცეპტი ტკბილეულის მოყვარულებისთვის აღმოჩენად იქცევა.

ბისკვიტის ინგრედიენტები:

* 15 კვერცხი
* 15 სუფრის კოვზი შაქარი
* 15 სუფრის კოვზი ფქვილი
* 50 გრამი კაკაო
* მწიკვი ლიმონმჟავა და ვანილი

* კვერცხის ცილები კარგად ათქვიფეთ, ისე რომ გადმობრუნებისას ჯამიდან არ გადმოვიდეს.
* თქვეფის შეუჩერებლად დაამატეთ შაქარი, სათითაოდ კვერცხის გულები, ლიმონმჟავა, ვანილი და ცოტა ხანს კიდევ თქვიფეთ.
* თქვეფის დასრულების შემდეგ, ხის კოვზით შეურიეთ გაცრილი ფქვილი და ფრთხილად ურიეთ.
* ტორტის ყალიბში ჩააფინეთ ცხიმწასმული კალკის ქაღალდი და ცომი ჩაასხით, მაგრამ ისე, რომ ერთი მესამედი დაიტოვეთ.
* შენახულ ცომს დაამატეთ გაცრილი კაკაო, ხის კოვზით ფრთხილად მოურიეთ და ტორტის მეორე ყალიბში ჩაასხით.
* ორივე ყალიბი შედგით ჰაერღუმელში საშუალო ცეცხლზე და, დაახლოებით, 30 წუთის განმავლობაში აცხვეთ.

უგემრიელესი და განსხვავებული მარწყვის ტორტი - ასეთი ჯერ არ გაგისინჯავთ!


დასანამი სიროფის ინგრედიენტები:

* 1 ჭიქა წყალი
* ნახევარი ჭიქა შაქარი
* 1 სუფრის კოვზი კონიაკი

შაქარი და წყალი წამოადუღეთ და გაციებულს დაუმატეთ კონიაკი.

„ცივი“ კრემის ინგრედიენტები:

* 1 ქილა შესქელებული რძე
* 200 გრამი კარაქი
* ვანილი

კარაქი კარგად ათქვიფეთ და ნელ-ნელა შეურიეთ შესქელებული რძე.
თქვეფის დასრულებისას დაუმატეთ ვანილი.

მოხარშული კრემის ინგრედიენტები:

* 1/2 ლიტრი რძე
* 1 ჭიქა შაქარი
* 1/2 ჭიქა ფქვილი
* 75 გრამი კარაქი
* 1/2 ქილა შესქელებული რძე

* რძე ჩაასხით ქვაბში და ცეცხლზე დაადგით.
* ცალკე ჯამში აურიეთ შაქარი და ფქვილი.
* როგორც კი რძე ადუღებამდე მივა, ერთმანეთში არეული შაქარი და ფქვილი ჩააყარეთ და ცეცხლზევე დაიწყეთ მიქსერით თქვეფა.
* კრემი რომ წამოდუღდება, მიქსერი გამორთეთ, ქვაბი გადმოდგით და კრემი გააცივეთ.
* შემდეგ ნელ-ნელა შეათქვიფეთ კარგად ათქვიფილი კარაქი და შესქელებული რძე.

ტორტის მომზადება:

* ტორტის თეთრი ფენა გაჭერით შუაზე, დანამეთ სიროფით, წაუსვით ცივი კრემი და მოალაგეთ შუაზე გაჭრილი მარწყვები.
* ამის შემდეგ დანამეთ შავი ბისკვიტი, დაადეთ პირველ ფენას, წაუსვით მოხარშული კრემი და მოაწყვეთ მარწყვები.
* იგივე გაიმეორეთ მესამე ფენაზეც.
* ტორტს თავზე დაჭრილი მარწყვები მოაწყვეთ და წითელი ჟელე მოასხით (მზა ჟელე მაღაზიებში იყიდება). შესაძლებელია, ჟელეს ნაცვლად, ტორტი კრემით გააფორმოთ.
* ყველაფერი დამოკიდებულია თქვენს გემოვნებასა და ფანტაზიაზე.
* გამზადებული ტორტი მაცივარში გააცივეთ.

უგემრიელესი და განსხვავებული მარწყვის ტორტი - ასეთი ჯერ არ გაგისინჯავთ!


გემრიელად მიირთვით!

funtime.ge
































ტექსტის სანახავად გაიარეთ რეგისტრაცია.