ებრაელთა მესამე მეფის, ლეგენდარული სოლომონის სახელი მრავალი საუკუნის მანძილზე სიბრძის სინონიმად აღიქმება. მან საკუთარი სახელმწიფო აყვავებულ და მდიდარ ქვეყნად გადააქცია, მუდმივად ზრუნავდა ხალხის კეთილდღეობაზე. ქვემოთ მოყვანილია სოლომონ მეფის რამდენიმე ბრძნული გამონათქვამი, რომლებმაც ათასწლეულების გამოცდას გაუძლეს:
1. ყველაფერს თავის დრო აქვს: არის დრო დაბადებისა და დრო სიკვდილისა. დრო ნგრევისა და დრო შენებისა. დრო ქვების გადაყრისა და დრო მათი შეგროვებისა. დრო სიჩუმისა და დრო საუბრისა;
2. როდესაც დუმს, სულელიც კი შეიძლება ბრძენად მოგვეჩვენოს;
3. დაპირდი - შეასრულე! სჯობს არ დაპირდე, ვიდრე დაპირდე და არ შეასრულო;
4. მარტოობას ორი ადამიანის ერთად ყოფნა ჯობს, რადგან თუ ერთი დაეცემა, მეორე წამოაყენებს, ხოლო მარტოკაცის დამხმარე არავინაა. თუ ორნი ერთად წვანან, გათბებიან, ერთი ადამიანის გათბობა კი რთულია;
5. ბრძენი ცოლი საკუთარ სახლს აშენებს, სულელი კი სახლს საკუთრი ხელებით ანგრევს;
6. თუ სხვას უთხრი ორმოს, შიგ თავად ჩავარდები, ვინც ქვას მთაზე აიტანს, ის მას უკან დაუბრუნდება;
7. სიცოცხლეში გაკეთებული საკუთარი საქმეებით გახარება არის ყველაზე დიდი სიკეთე, რადგან ადამიანს არ ძალუძს იმის დანახვა თუ რა იქნება მისი გარდაცვალების შემდეგ;
8. ქარსა და სიკვდილზე ვერავინ იბატონებს, ომში დასვენება შეუძლებელია და უზნეობა კი უზნეოს ვერ გადაარჩენს;
9. ვინც სიტყვას უფრთხილდება, ის თავის სულს გადაარჩენს, ხოლო ვინც ბევრს ლაპარაკობს - უბედურება არ ასცდება;
10. ხანგრძლივად მომთმენი მამაცს აჯობებს, საკუთარი თავის ფლობა კი ქალაქის ფლობაზე უკეთესია;
11. რისხვის დღეს სიმდიდრე ვერ გადაგვარჩენს, სიმართლე კი სიკვდილისგან გვიხსნის;
12. ლამაზი და უგუნური ქალი ცხვირში ოქროს რგოლგაყრილ ღორს ჰგავს;
13. კეთილგონიერი წინასწარ ხედავს უბედურებას და თავს იფარავს მისგან, გამოუცდელნი კი წინ მიდიან და ისჯებიან;
14. მთავარი - სიბრძნეა: შეიძინე სიბრძნე და მთელი შენი არსებით შეიმეცნე გონიერება;
15. მრისხანება სასტიკი და მოუთოკავაია, თუმცა ვინ გაუძლებს ეჭვების მოძალებას?
16. ვინც ცოცხალთა შორისაა, მისი იმედიც ცოცხლობს;
17. სიძულვილი შობს განხეთქილებას, სიყვარული კი ყველა ცოდვას დაფარავს;
18. სიბრძნე სისულელეზე სასარგებლოა, ისევე როგორც სინათლე სიბნელეს სჯობს. მაგრამ ბრძენსაც და სულელსაც ერთი ბოლო აქვთ;
19. სიცილის დროსაც კი ზოგჯერ გული გვტკივა, სიხარულის დასასრული კი დარდიანია;
20. ქედმაღლობას სირცხვილი მოსდევს, თვინიერთა ხვედრი კი სიბრძნეა.
წყარო: gdexpress.ge
სოლომონ მეფის (ბრძენის) 20 ბრძნული გამონათქვამი სიცოცხლის შესახებ
⏱️ 1 წთ.
👁️ 8 359
100%