* ფქვილი: 1 კგ + 100გრ;
* წყალი 200მლ;
* რძე 300მლ;
* კვერცხი 2 ცალი(+1 ზემოდან გადასასმელად);
* შაქრის პუდრა 100გრ( +1 ს/კ მოსაბნევად);
* მარილი 10გრ;
* საფუარი 50გრ;
* ნაღების კარაქი 200გრ;
საფუარისთვის:
* შაქარი 1 ს/კ;
* ფქვილი 1 ს/კ;
* წყალი 5 ს/კ;
* გავხსნათ საფუარი (5 ს/კ), დავამატოთ (1 ს/კ) შაქარი და (1 ს/კ) ფქვილი; 10 წუთში მასა უნდა გაფუვდეს.
ჭურჭელში ჩავაბნიოთ ფქვილი, შაქარი , მარილი, ავურიოთ წყალი , რძე , კვერცხი, კარგად გავტქვიფოთ და შემდეგ ჩავამატოთ გააქტიურებული საფუარი.
ვზილოთ ცომი (15 წთ) ელასტიურ კონსისტენციამდე, მივცეთ ბურთის ფორმა, მოვათავსოთ ღრმა ჭურჭელში, დავახუროთ თავსახური და გავაჩეროთ 1 საათს ოთახის ტემპერატურაზე. როდესაც გაფუვდება ჩავზილოთ, ცომი მოვაცილოთ ჭურჭლის კიდეებს და დავაცადოთ, რომ კვლავ ამოვიდეს.
როდესაც ცომი ხელმეორედ „ამოვა“, მისი საკრუასანედ მომზადება უკვე შეიძლება.
სამუშაო ზედაპირზე მოვაბნიოთ ფქვილი, ცომი გავყოთ 2 ნაწილად და თითოეული ცალ-ცალკე დავამუშავოთ. ასევე გავყოთ შუაზე კარაქი, თითოეულ ცომს 100-100 გრ. ცხიმი მოუწევს.
გავიყვანოთ ცომი, თუ ხელზე გვეკრობა, მოვაბნიოთ ფქვილი, თხლად გადავუსვათ ნაღების კარაქი, გადავკეცოთ სამად, კვლავ გავაბრტყელოთ, ისევ წავუსვათ ცოტაოდენი კარაქი, ისევ გადავკეცოთ, გავიყვანოთ, წავუსვათ კარაქი... ასე გავაგრძელოთ მანამ, ვიდრე კარაქი დაგვიმთავრდება.
ბოლოს გადავკეცოთ ცომი, შევინახოთ პოლიეთილენის პარკში და შევინახოთ მაცივარში 2 საათით.
აღნიშნული დროის გასვლის შემდეგ, ცომი გავიყვანოთ, მოვაბნიოთ ქიშმიში და გასაბრტყელებელი გადავატაროთ, მივცეთ წრეწირის ფორმა, გავჭრათ 16 ნაჭრად და მოვაბნიოთ შაქრის პუდრა სურვილის შემთხვევაში.
ყოველი გამოყვანილი სამკუთხედის განიერი ძირი ოდნავ (თითის ლებანის სიგანეზე სამკუთხედად) ამოვჭრათ და ძირიდან წვერისკენ მიმართულებით გადავახვიოთ.
გამზადებული კრუასანები დავალაგოთ თუნუქის ფურცელზე, ვაცადოთ 40-50 წუთს, რომ ამოვიდეს, შემდეგ თითოეულს გადავუსვათ გათქვეფილი კვერცხის გული და 180 C-ზე გახურებულ ღმელში ვაცხოთ 20 წუთის განმავლობაში.
mary.ge