როგორ მოქმედებს ენერგეტიკული სასმელი ადამიანის ორგანიზმზე?
ენერგეტიკული სასმელები დალევიდან 24 საათის განმავლობაში მოქმედებენ ადამიანის ორგანიზმზე.
მისი მიღებიდან 10 წუთის განმავლობაში კოფეინი სისხლს თანდათან ერევა, გულის ცემა და სისხლის წნევა იზრდება.
15-45 წუთი - მას შემდეგ, რაც კოფეინი სისხლი შეიწოვება, ადამიანი თავს უფრო მხნედ და ენერგიულად გრძნობს - სტიმულატორმა მოქმედება დაიწყო.
30-50 წუთი - კოფეინი უკვე მთლიანად ათვისებულია. სისხლძარღვებში მეტი რაოდენობით შაქრის შეწოვა ხდება.
1 საათი - კოფეინის მოქმედება დასრულებულია. თავს გადაღლილად გრძნობთ. თქვენი ენერგიულობა თანდათან ქრება.
5-6 საათი - სხეულს დროს სჭირდება რომ კოფეინის რაოდენობა 50%-მდე დაიყვანოს სისხლში.
12 საათი - სისხლში კოფეინის ზედმეტი რაოდენობა აღარაა. თუმცა, ეს მაინც ყველა ადამიანისთვის ინდივიდუალურია.
12-24 საათი - კოფეინი ნარკოტოკივით მოქმედებს. ბოლო დოზის მიღებიდან გარკვეული პერიოდის შემდეგ შეიძლება თავის ტკივილმა შეგაწუხოთ და თავს გაღიზიანებულად გრძნობდეთ.
თუ ენერგეტიკულ სასმელებს რეგულარულად მოიხმართ, დროთა განმავლობაში მათი ეფექტიანობა შემცირდება.
ენერგეტიკული სასმელები კოფეინის საშუალებით მართლაც ამხნევებენ ადამიანს, მაგრამ ორგანიზმს ენერგიით არ ავსებენ. ნებისმიერ შემთხვევაში ადამიანი ენერგიის საკუთარ რესურსებს იყენებს, რასაც დროთა განმავლობაში გაღიზიანებამდე, უძილობამდე და დეპრესიამდეც კი მივყავართ. ენერგეტიკული სასმელები სწრაფ შედეგს გვაძლევენ, დროთა განმავლობაში კი უარყოფითად მოქმედებენ ორგანიზმზე. კარგი იქნება თუ ენერგიის დეფიციტს ბუნებრივი საშუალებებით შეივსებთ: ამინომჟავები, ნახშირწყლები, ვიტამინები. სწორი კვების და ზომიერი ფიზიკური დატვირთვის შემთხვევაში გასამხნევებლად ენერგეტიკული სასმელები ნამდვილად არ დაგჭირდებათ.
oxford-med.ge