* რბილი ავეჯიდან შინაური ცხოველების ბეწვს რეზინის ხელთათმანით მოაცილებთ. ჩამოიცვით ხელზე რეზინის ხელთათმანი და ავეჯს გადაუსვით, მთელი ბეწვი რეზინს მიეკრობა.
* თუ თეთრეულის გაქათქათება გაქვთ გადაწყვეტილი, რეცხვისას ფხვნილის განყოფილებაში დაუმატეთ 1/4 ან 1/2 (გააჩნია თეთრეულის რაოდეობას) ლიმონის წვენი. გარეცხვის შემდეგ თეთრეული თავდაპირველ სიქათქათეს დაიბრუნებს.
* თუ ქილაში უსიამოვნო სუნი გაჩნდა, თბილ წყალში გახსენით მდოგვის ფხვნილი და კარგად გამოავლეთ ქილაში.
* თვალწასულ კოლჰოტს ნუ გადააგდებთ. იგი კარგად ასუფთავებს დეკორატიულ სანთლებზე გაჩენილ მტვერს.
* თუ ვაზების ძირის გაწმენდა გიჭირთ, მასში კი მტვერია ჩაბუდებული, დახმარებას ბრინჯი გაგიწევთ. ჩაყარეთ ვაზაში (ნებისმიერ მოცულობაში, სადაც ხელი არ გეტევათ, ჯაგრისით ვერ წვდებით) 1 ს/კ ბრინჯი, ჩასხით თბილი წყალი და კარგად შეანჯღრიეთ.
* სარეცხ მანქანაში მინის ჭიქები, ფუჟერები არ გაგიტყდებათ, თუ გარეცხვამდე მათ რკინის ბადეზე რეზინის რგოლებით დაამაგრებთ.
* ეტიკეტების მოძრობაში ფენი გამოგადგებათ.
* გარეცხვის შემდეგ მწვანილი უმჯობესია ცოტა ხნით მარილიან წყალში გააჩეროთ.
* ფეხსაცმლის კრემი ტყავის ავეჯს გაგიახლებთ. მთავარია, ფერი შეუსაბამოთ.
* ხელებზე ცხიმს ადვილად მოგაშორებთ თუ ხელებს წყალში შერეულ შაქარით დაიბანთ.
* ნუ იჩქარებთ ძველი ჯაგრისის გადაგდებას. მისით ადვილად გაწმინდავთ მეტლახს შორის არსებულ ღარებს.
* ლინოლიუმს პირვანდელ იერს დაუბრუნებთ, თუ მას კბილის პასტით გაწმინდავთ.
* ყავის ფილტრი კარგად წმინდავს კომპიუტერის მონიტორებსა და ტელევიზორების ეკრანებს.
* ლიმონის წვენი საუკეთესო საშუალებაა ხისა და პლასტიკატის საჭრელი დაფების გასაწმენდად, მიკრობების მოსაცილებლად. ამისათვის, გაჭერით ლიმონი შუაში, მოასხურეთ მისი წვენი საჭრელ დაფას, გააჩერეთ 20 წუთი და თბილი წყალი გადაავლეთ.
* თუ ჭურჭლის სარეცხ მანქანაში ბავშვის ბოთლების ან სხვა წვრილმანი ნივთების გარეცხვა გაქვთ გადაწყვეტილი, ისინი ბამბის ერთ ტომარაში მოათავსეთ და ისე გარეცხეთ.
* თუ ყავის საფქვავის გასუფთავება გაქვთ გადაწყვეტილი, მასში ბრინჯი დაფქვით, მიღებული ფქვილი გადაყარეთ, ყავის საფქვავი კი მშრალი ტილოთი გაწმინდეთ.
* სპილენძის ნივთებს კარგად გაასუფთავებთ შემდეგი ფაფისებური მასით: გადაურიეთ ძმარი, მარილი და ფქვილი. გაწმინდეთ ნივთები, გადაავლეთ თბილი წყალი და კარგად გაამშრალეთ.
marao.ge
|
|
|
|
|
|
|
|
|
|
|
|
