სომხური ტოლმა (სამარხო)
ეს არის სომხური ნაციონალური კერძებიდან ერთ-ერთი.
ამისათვის დაგჭირდებათ:
კომბოსტო (მჟავე )
- ლობიო (წითელი) - 2ჭ
- ბარდა (თეთრი) - 2ჭ
- დაღერღილი პურის ხორბალი - 2ჭ
- ბრტყელი ბარდა- 2ჭ
- ტომატი- 200-400გ
- ზეთი - 200მლ
- ხახვი - 3ც
- ოხრახუში - 1კონა
- ქინძი - 1კონა
-მარილი - გემოვნებით
- სანელებლები
მომზადების წესი:
დავალბოთ 5სთ-ით ლობიო, ბარდა(თეთრი) და ბრტყელი ბარდა შემდეგ მოვხარშოთ ცალ-ცალკე მზადყოფნამდე. შევურიოთ ერთმანეთს. ღრმა ტაფაში მოვშუშოთ წვრილად დაჭრილი ხახვი დავამატოთ დაღერღილი ხორბალი და მოვშუშოთ კიდევ 5წთ. დავამაროთ ლობიოსა და ბარდის ნარევი, დავამატოთ 2კოვზი ტომატი და გავაგრძელოთ მოშუშვა კიდევ 2-3 წუთი მოვაყაროთ წვრილად დაჭრილი მწვანილი, მარილი და სანელებელი. გადავდგათ და გავაციოთ.
გავრეცხოთ მჟავე კომბოსტოს ფურცლები ცივ წყალში. შემდეგ თითო ფურცელზე დავდოთ შიგთავსი და შევახვიოთ როგორც ჩვეულებრივი ტოლმა. ჩავალაგოთ ქვაბში ფენა-ფენა. დარჩენილი ტომატი გავხსნათ წყალში და მოვასხათ. ზემოდან დავადოთ თეფში და დავდგათ ქურაზე დაბალ ცეცხლზე. მოვხარშოთ მზადყოფნამდე. მივირთვათ გაცივებული.
გემრიელად მიირთვით.