რძე რომ ძალიან სასარგებლო პროდუქტია, საყოველთაოდაა ცნობილი. ყველამ იცის, რომ ის დიდი რაოდენობით კალცს შეიცავს და ამიტომ კბილებისა და ძვლების გამაგრებას უწყობს ხელს. თუმცა მარგებელი თვისებები მხოლოდ ამით არ იფარგლება.
ნერვებისთვის
ნერვული სისტემისა და ფსიქიკის დარღვევასთან დაკავშირებული დაავადებებისთვის ძველთაგანვე შესანიშნავ საშუალებად ითვლებოდა. რძეს აღმოსავლეთში დილით ძილქუშის გასაფანტად, ფსიქიკური უნარებისა და ზოგადად, ინტელექტის გასამყარებლად სვამდნენ; ღამით კი - კარგ ძილისთვის.
ინდოელი ვედები თვლიდნენ, რომ რძე მნიშვნელოვანი სასმელია, რომლის გამოყენების შედეგადაც ადამიანი უფრო გონიერი ხდება, უკეთ იწყებს გარესამყაროს აღქმას და სიკეთისა და ბოროტების მართებული ხედვა უყალიბდება.
თანამედროვე ექიმებიც ირწმუნებიან, რომ რძე განსაკუთრებით მარგებელია უძილობით დატანჯული ადამიანებისთვის. ძილის წინ ერთი ჭიქა რძე ადამიანს ძილს არ მოგვრის, მაგრამ კუჭის სეკრეციას აქვეითებს და დამამშვიდებელი ეფექტი აქვს.
გულისთვის
რძე გულ-სისხლძარღვთა დაავადებების განვითარების საწინააღმდეგო პროდუქტიცაა. ამერიკელი მეცნიერების მიერ ცოტა ხნის წინ ჩატარებულმა კვლევებმა დაადასტურა, რომ დღეში თუნდაც 1 ჭიქა რძის დალევა აძლიერებს გულის ფუნქციას და 37%-ით ამცირებს ინფარქტისა და ინსულტის რისკს. ეს რძეში კალიუმის მაღალი შემცველობის დამსახურებაა. სწორედ ის უზრუნველყოფს სისხლძარღვების ელასტიურობის შენარჩუნებას. რძეს არტერიული წნევის დადაბლების თვისებაც აქვს, ამიტომ ჰიპერტონიკებისთვისაც მარგებელია.
კუჭისთვის
ძალიან კარგად მოქმედებს კუჭის ლორწოვან გარსზე და გულძმარვის დროს ეფექტური საშუალებაა, რადგან ამცირებს კუჭის წვენის მჟავიანობას. არც ისე გახმაურებულია ის ფაქტი, რომ რძე კარგი დამატებაა კენკრისთვის და ბოსტნეულისთვის. ის ზრდის კალციუმის რაოდენობას საკვებში და ამინომჟავების ძალიან ძვირფასი ნარევის მიღებას ეხმარება. გარდა ამისა, რძე წყურვილსაც კარგად კლავს, რადგან ცილებისა და ნახშირწყლების დიდ რაოდენობას შეიცავს.
სხეულის ნორმალური წონისთვის
რძე, რომელსაც ზოგჯერ წონის მომატების თვისებასაც მიაწერენ, სინამდვილეში, პირიქით, ზედმეტ კილოგრამებთან ბრძოლაში სასარგებლოა. კანადაში 15-კვირიანი კვლევით დაადგინეს, რომ ადამიანებმა, რომლებიც დიეტას იცავდნენ და რძეს მიირთმევდნენ, საშუალოდ 4 კილოგრამით მეტი დაიკლეს, ვიდრე მათ, ვინც ანალოგიურ დიეტას იცავდა, მაგრამ არ სვამდა რძეს და არ იღებდა რძის პროდუქტს.
წყარო: eva.ge
|
|
|
|
|
|
|
|
|
|
|
|
