მოამზადეთ უგემრიელესი ფახლავა მარტივად
საჭირო მასალა:
ფქვილი - 2 ჭიქა
შაქარი - 1 ჭიქა
ზეითუნის ზეთი - ნახევარი ჭიქა
თხილი (შეგიძლიათ გამოიყენოთ ნიგოზი ან ნუში) - 1 ჭიქა
მარილი - 1 ჩაის კოვზი
თაფლი - ნახევარი ჭიქა
მომზადება:
თხილი დააბლენდერეთ, დაუმატეთ მეოთხედი ჭიქა შაქარი და გული მზად არის. ცომის მოსამზადებლად ერთმანეთში აურიეთ, ფქვილი, ზეითუნის ზეთი, დარჩენილი შაქარი და მარილი. მოზილეთ სანამ არ მიიღებთ მკვრივ მასას.
ცომი გაყავით ხუთ ნაწილად. კარგად გააბრტყელეთ და პირველი ფენა მოათავსეთ ცხიმიან ტაფაზე. წაუსვით ზეითუნის ზეთი, ამოუწიეთ ბოლოები და მოაყარეთ გამზადებული გული. ზევიდან დააფარეთ მეორე ფენა და გაიმეორეთ იგივე პროცედურა ოთხივე ფენაზე. მეხუთე ფენა ზევიდან დააფარეთ, ბოლოები ისე ჩაუკეცეთ, რომ პირველ ფენასთან შეაერთოთ.
ზედა მხარე დასერეთ რომბისებურად ისე, რომ მომდევნო ფენას დანის წვერით არ შეეხოთ. თითოეული ნაჭერი გააფორმეთ მთლიანი თხილით ან ნიგოზით, როგორც ფოტოზეა ნაჩვენები. ბოლოს გადაუსვით ზეითუნის ზეთი და შედგით 200 გრადუსზე გაცხელებულ გაზქურაში. დატოვეთ 30 წუთის განმავლობაში. გამოიღეთ, მოასხით თბილი თაფლი და შედგით უკან. აცხვეთ 15 წუთის განმავლობაში.
წყარო: etanews.ge
მოამზადეთ უგემრიელესი ფახლავა მარტივად - კულინარია (რეცეპტები)
⏱️ 1 წთ.
👁️ 3 850
100%