თანამედროვე ცხოვრების აჩქარებული რიტმი, ხშირად ზომიერების გრძნობას გვაკარგვინებს. მოწესრიგებული კვებისა და ფიზიკური ვარჯიშებისთვის დრო აღარ გვრჩება, დროთა განმავლობაში კი ყოველივე ეს ჩვენს ჯანმრთელობაზე აისახება. ამიტომ კიდევ ერთხელ გადახედეთ თქვენი ცხოვრების წესს, განსაზღვრეთ, რა გაკლიათ და დაეხმარეთ საკუთარ ორგანიზმს.
* თუ საუზმეზე ხშირად ამბობთ უარს, თქვენს ორგანიზმს აკლია კალციუმი, რომელსაც დიდი რაოდენობით შეიცავს რძის პროდუქტები, რძიანი ფაფები. კალციუმი არეგულირებს წნევას და ამცირებს ოსტეოქონდროზის რისკს.
რჩევა. თუ დილით საუზმობა არ შეგიძლიათ, რძის პროდუქტები დღისით ჭამეთ. სადილზე დესერტის ნაცვლად მაწონი მიირთვით, სამხარზუ ან შესაბამისი შემცველობის ვიტამინების კომპლექსი მიიღეთ.
* თუ სამსახურში ძალიან დაკავებული ხართ, სრულყოფილად სადილობას ვერ ახერხებთ და თქვენი მენიუ ფუნთუშებითა და სენდვიჩებით შემოიფარგლება, ესე იგი უჯრედისები გაკლიათ. ფასტფუდი მათ თითქმის არ შეიცავს. არადა, უჯრედისები აუცილებელია ნაწლავების ნორმალური მუშაობისთვის. ის, ასევე, ამცირებს სისხლში ქოლესტერინის რაოდენობას და ამცირებს გულ-სისხლძარღვთა დაავადებების რისკს.
რჩევა. თქვენმა ორგანიზმმა აუცილებლად უნდა მიიღოს 25-30 გრამი უჯრედისი დღეში. რაციონში ცვლილებები შეიტანეთ, ოღონდ არა ერთბაშად. წინააღმდეგ შემთხვევაში, შეიძლება ამან ფაღარათი გამოიწვიოს. ჩვეული ჭიქა წვენის ნაცვლად, საუზმე ქორფა ხილით დაიწყეთ. სამსახურში, როცა მსუბუქად წასაუზმება მოგინდებათ, ხილი ან ჩირი მიირთვით.
* თუ ქიმიურ გასახდომ საშუალებებს იყენებთ, ესე იგი, გაკლიათ ფიტოელემენტები, რომლებსაც ბევრი ნატურალური პროდუქტი შეიცავს. გამოკვლევებმა გვიჩვენა, რომ ეს ნივთიერებები კიბოსა და გულ-სისხლძარღვთა დაავადებების რისკს ამცირებს.
რჩევა. რაც შეიძლება მეტი სხვადასხვა სახის ბოსტნეული და ხილი მიირთვით. მაგალითად, ყურძენი გულის მუშაობას ააქტიურებს, ანანასის შემადგენლობაში შემავალი ბრომელაინი უჯრედებში ენერგეტიკულ პროცესებს აძლიერებს.
* თუ ბევრს ეწევით, თქვენს ორგანიზმს C ვიტამინი აკლია. მისი ნაკლებობა იწვევს გაციებას, ღრძილების დაავადებებს, დაღლას და ძილის დარღვევას. ჭრილობის შესახორცებლადაც ჩვეულებრივზე მეტი დროა საჭირო.
რჩევა. საუკეთესო გამოსავალია, მოწევას თავი დაანებოთ, მაგრამ რთული და ხანგრძლივი პროცესია. მანამდე კი მიიღეთ ვიტამინი C, სულ მცირე დღეში 100 მილიგრამი. არამწეველებისთვის 60 მილიგრამიც საკმარისია. რეგულარულად მიირთვით ახალგამოწურული ფორთოხლის წვენი. მჟავე კომბოსტო და ტკბილი წიწაკა. ვიტამინი C თითქმის ყველა სახის ხილსა და ბოსტნეულშია.
* თუ ვეგეტარიანელი ხართ, თქვენს ორგანიზმს რკინა და B ჯგუფის ვიტამინები აკლია. მცენარეული საკვებიდან ორგანიზმი რკინას ცუდად ითვისებს. მისმა ნაკლებობამ კი შეიძლება გამოიწვიოს ანემია და საერთო სისუსტე, ხოლო B ჯგუფის ვიტამინების ნაკლებობამ - ნერვიული სისტემის მოშლა.
რჩევა. მცენარეულ საკვებში შემავალი რკინა C ვიტამინთან ერთად უკეთ შეითვისება. ამიტომ კარგია, თუ მცენარეულ საკვებს 1 ჭიქა ახალგამოწურულ ფორთოხლის წვენსაც მიაყოლებთ. B ჯგუფის ვიტამინების აღსადგენად რაციონში მეტი პარკოსნები ჩართეთ და ყოველდღიურად პოლივიტამინები მიიღეთ.
* თუ აქტიურად მისდევთ სპორტს და ყოველდღიურად ფიზიკურად ვარჯიშობთ, მაშინ თქვენი ორგანიზმი წყლის ნაკლებობას განიცდის. ინტენსიური ვარჯიშის დროს, თუნდაც დღეში ერთი საათი 20 პროცენტით მეტ სითხეს კარგავს, ვიდრე სამუშაო მაგიდასთან. ორგანიზმის გაუწყლოება თავის ტკივილს, ყაზბობას, კუნთების სპაზმებსა და გახშირებულ გულისცემას იწვევს.
რჩევა. დღეში არანაკლებ 8 ჭიქა წყალი დალიეთ. ფიზიკური ვარჯიშისას ყოველ 15 წუთში 10 ყლუპი წყალი დალიეთ.
წყარო: etanews.ge
რა აკლია თქვენს რაციონს? - სასარგებლო რჩევები
⏱️ 1 წთ.
👁️ 1 732
100%