როდის უნდა გადავრგოთ ყვავილები - ყვავილების მოვლა ( რჩევები )



გაზაფხული – ის პერიოდია, როცა მცენარეებს გადარგვა და სათუთად მოვლა სჭირდება. გაზაფხული მცენარეებისთვის ძალზედ მნიშვნელოვანი პერიოდია, რადგანაც მთავრდება ზამთარი და იწყება გაზაფხული. მზის ნათება უფრო შესამჩნევი ხდება, როგორც ჩვენთვის, ასევე მცენარეებისთვის. ყველა მცენარეს სპეციფიკური მოვლა სჭირდება, ამიტომ ასე საზოგადოდ ვერ ვიტყვით, თუ როგორ უნდა მოვუაროთ ამა თუ იმ მცენარეს. ეს მის სახეობაზეა დამოკიდებული.

განსაკუთრებული ყურადღება იმ მცენარეებს უნდა მივაქციოთ, რომლებიც გაზაფხულზე ჯერ კიდევ ისვენებენ. მათ დროულად უნდა მოვაცილო დაზიანებული ადგილები, ძველი და გამხმარი ფესვები, გადავრგოთ ახალ მიწაში, მოვრწყათ და მივუჩინოთ ადგილი, რაც შეიძლება ახლოს მზესთან, რათა სინათლით იკვებონ.

როდის უნდა გადავრგოთ ყვავილები - ყვავილების მოვლა ( რჩევები )


ხალბედა მეყვავილეები ჩივიან, რომ მათმა ყვავილმა მოიწყინა ან ფოთლები გაუხმათ. ამის გამომწვევი უამრავი მიზეზი არსებობს – სინათლის დეფიციტი, სუფთა ჰაერის არარსებობა, ორპირი ქარი, ტემპერატურის მკვეთრი ცვალებადობა, ნიადაგის გამოშრობა ან, პირიქით, ზედმეტი ნესტი. ეს იმ მიზეზების არასრული ჩამონათვალია, რომელმაც შეიძლება ყვავილის მოწყენა ან მავნებლების დასევა გამოიწვიოს. მავნებლების, ზედმეტი სინოტივის ან სიმშრალის შემჩნევა არც თუ ისე ძნელია, ამიტომ თუ ზემოთ ჩამოთვლილს გაითვალისწინებთ, ადვილად აარიდებთ ოთახის მცენარეებს სხვადასხვა პრობლემებს.

როდის უნდა გადავრგოთ ყვავილები - ყვავილების მოვლა ( რჩევები )


თუ მეყვავილე გამოუცდელია და ვერც მავნებლებს, ვერც მიწის სიმშრალეს ან სინოტივეს ამჩნევს, ამ შემთხვევაშიც არსებობს გამოსავალი. ამოიღეთ მცენარე ქოთნიდან და გულისყურით დაათვალიერეთ მისი ფესვები, შეიძლება ზუსტად იქ ჰქონდეთ ბინა მავნებლებს დადებული. შემდეგ კი ფრთხილად გაასუფთავეთ მცენარის ფესვები მავნებლებისაგან, ისე, რომ მისი ფესვები არ დააზიანოთ. მისი მოწყენის მიზეზი ასევე შეიძლება მცირე ზომის ქოთანი იყოს. ამ დროს დიდი ზომის ქოთანში უნდა გადარგოთ და შესაბამისად, მიწაც გამოუცვალოთ.

როდის უნდა გადავრგოთ ყვავილები - ყვავილების მოვლა ( რჩევები )


რატომღაც ყველა იმას ფიქრობს, რომ თუ მცენარეს დიდ ქოთანში მოათავსებენ და ბევრ მიწას ჩაუყრიან, მათი მცენარეც უკეთესად იგრძნობს თავს, მაგრამ, რა თქმა უნდა, ეს ასე არ არის. ქოთნის გამოცვლა მხოლოდ მაშინაა აუცილებელი, თუ მცენარის ფესვებმა მიწის ზედაპირზე ამოაღწია. ამ შემთხვევაში შეგიძლიათ ახალი ქოთანი თქვენი მცენარისთვის შეიძინოთ. მაგრამ არსებობს წესი, რომლის დაცვაც ძალიან მნიშვნელოვანია. ახალი ქოთანი ძველზე აუცილებლად 3–4 სანტიმეტრით დიდი უნდა იყოს და არავითარ შემთხვევაში, მეტით.

როდის უნდა გადავრგოთ ყვავილები - ყვავილების მოვლა ( რჩევები )


წყარო: fofodia.wordpress.com
































ტექსტის სანახავად გაიარეთ რეგისტრაცია.