როცა გვეჩქარება ან უბრალოდ გვეზარება საჭმლის გაკეთება და ამავდროს ძალიან გვშია ისევ და ისევ კვერცხს მივადგებით ხოლმე. ომლეტს მარტო ჩვენთან საქართველოში კი არა მთელს მსოფლიოში ყოველდღიურად უამრავი ადამიანი მიირთმევს. მრავალფეროვნებისთვის გთავაზობთ ომლეტის ბერძნულ რეცეპტს.
ინგრედიენტები:
კვერცხი 6
პამიდორი 3
ზეთისხილი 1 მუჭა
ყველი ფეტა 100 გ.
ზეითუნის ზეთი
ოხრახუში
ხახვი 1
მარილი და პილპილი
მომზადების წესი:
ღუმელი გავახუროთ გრილის რეჟიმში.
ტაფაზე მოვბრაწოთ ხახვი, დავამატოთ დაჭრილი პამიდორი და ზეთისხილი. პამიდორი რომ დარბილდება, დავასხათ ათქვეფილი კვერცხი, მარილი, პილპილი, ამოვურიოთ და მოვაყაროთ ფეტა.
ტაფა გადავიტანოთ გრილის ქვეშ, რათა ზემოდანაც მოიბრაწოს. ბოლოს მოვაყაროთ დაჭრილი ოხრახუში.
info9.ge
|
|
|
|
|
|
|
|
|
|
|
|
