სურნელოვანი დაფნა



ყვავილოვანი ბუჩქი-მცენარე დაფნა ჩვენში კარგადაა გავრცელებული. ის იანვრიდავე, თოვლიან ამინდშიც კი ყვავილობისთვისაა მომზადებული და ირგვლივ მკვეთრ სურნელს აფრქვევს.

"დაფნე" ამ მცენარის ლათინური სახელწოდებაა. თქმულებით, ეს სახელი აპოლონისაგან დევნილი ნიმფის _ დაფნეს საპატივცემულოდ დაარქვეს, რომელიც მიწის ღმერთმა გეამ შეიფარა და დაფნად აქცია.

დაფნა კი კარლ ლინეიმ შეარქვა და იგი კენკროვანთა გვარს მიეკუთვნება. ამ ოჯახში შემავალ ზოგ სახეობას ფოთლები მართლაც დაფნას მიუგავს და ხშირად შხამიანიცაა, ქერქი კი ძალიან მაგარი აქვს.

მცენარეთა ამ ოჯახში 50 გვარის 600-მდე სახეობა შედის, რომლებიც ევრაზიაში, აფრიკასა და ავსტრალიაშია გავრცელებული. საქართველოში კი 8 სახეობა გვხვდება.

უმრავლესობა ბუჩქი ტანდაბალი ხეა, მცირე ნაწილი კი - ბალახი. დაფნეას და მის მონათესავე სახეობათა დადებითი თვისებაა ის, რომ ყველა ხანგრძლივად ჰყვავის. სწორედ ამიტომ მას სურნელოვან დაფნესაც ეძახიან.

დაფნა ადრე გაზაფხულზე, სწორედ ახლა იწყებს ყვავილობას და სასიამოვნო სურნელი დაახლოებით ას მეტრში ვრცელდება. სწორედ ამის გამო, იგი პოპულარული დეკორატიული მცენარეა და მსოფლიოში ბოლო ათწლეულებში მისი უამრავი ახალი ჯიშია გამოყვანილი.

საქართველოში, ძირითადად საბჭოთა პერიოდში შემოტანილი ორი ჯიში დომინირებს _ მელნისფერ და რძისფერყვავილა, რომლებიც ქვეყნის მთელ ტერიტორიაზე კარგად ხარობს და რაიმე განსაკუთრებულ მოვლას არ საჭიროებს. გურიის რეგიონში თითქმის ყველგან არის გავრცელებული.

მეტი სილამაზისათვის დაფნის ბუჩქი, აუცილებელია, გაისხლას, რათა ბუჩქმა მეტი დეკორატიულობა შეიძინოს. გასხვლა მეორე ვეგეტაციის დროს, ივლისის ბოლოსკენ სჯობს.

დაფნის გამრავლება არც ისე ძნელია - შესაძლებელია კალმების დაფესვიანება, რომლის ძირითადი მოთხოვნა ისაა, რომ ივლისის მეორე ნახევარში დავაფესვიანოთ და სინესტე შევუნარჩუნოთ. ასევე, შეიძლება თებერვალში მოკლედ გასხლული ტოტები პირდაპირ ჩავრგოთ ნიადაგში - შედეგს ასეც მივიღებთ. მიუხედავად იმისა, რომ არ მირჩევდნენ, ვცადე და დაფნეა ტოტის ჩარგვით გავახარე.

დარგეთ დაფნა თქვენს ეზოებში, თუ გსურთ მისი სურნელება ასი მეტრის მანძილზეც მოგწვდეთ და განწყობა აგიმაღლოთ!

gurianews.com
































ტექსტის სანახავად გაიარეთ რეგისტრაცია.