საჭირო პროდუქტი:
100 გრამი კარაქი,
1 პაკეტი ტკბილი ვანილი,
1 მწიკვი მარილი,
1-2 ცალი კვერცხი,
100-150 გრამი ფქვილი,
0,5 ჩაის კოვზი საფუარი,
თეთრი ფერის ჟელატინი,
100 გრამი იოგურტი,
50 გრამი სქელი არაჟანი,
100-150 გრამი შაქრის ფხვნილი,
ერთი პატარა ლიმონის წვენი,
50 მილიგრამი ალუბლის ლიქიორი,
100 გრამი მარწყვის კომფიტური,
350 გრამი მარწყვი,
ცოტაოდენი ცხიმი და დაფშვნილი ორცხობილა ფორმისთვის.
როგორ მოვამზადოთ:
კარაქი ვანილთან, შაქრის ფხვნილთან, მარილთან და კვერცხთან ერთად მანამ თქვიფეთ, სანამ ქაფის მსგავს მასას არ მიიღებთ. შემდეგ შეურიეთ საფუარი, ფქვილი და მოზილეთ ცომი. 25-26 სმ დიამეტრის შემთბარ მასას მოუსვით ცოტაოდენი ცხიმი, მოაყერეთ ორცხობილა, შემდეგ კი მასში ცომი მოათავსეთ და ჰაერღუმელში შედგით, რომელიც 180-200 გრადუსამდე უნდა გაახუროთ. ნამცხვარი დაახლოებით 20 წუთის განმავლობაში უნდა აცხოთ. უკვე გამომცხვარი ფენა ლანგარზე მოათავსეთ და გააგრილეთ.
ამასობაში ჟელატინი დაასველეთ და აცალეთ, რომ გაღვივდეს. იოგურტი და არაჟანი კი შაქარსა და ლიმონის წვენთან ერთად კარგად გათქვიფეთ, შემდეგ კი ჰაეროვან მასას ალუბლის ლიქიორი შეურიეთ. გაღვივებული ჟელე ცხელ წყალში გაადნეთ და განუწყვეტლივ ურიეთ, გაგრილების შემდეგ კი იოგურტისა და არაჟანის კრემში ჩაასხით, კარგად მოურიეთ და მაცივარში შედგით.
Post Middle
გარეცხილი და კარგად დაწრეტილი მარწყვი ორ ნაწილად გაყავით, ნახევარი კრემში ჩაყარეთ მანამ, სანამ იგი შედედდება და კვლავ მაცივარში მოათავსეთ.
გაგრილებული ნამცხვრის ფირფიტა ღრმა ფორმის ფსკერზე ჩადეთ, გადაუსვით მარწყვის კომფიტური და ზემოდან იოგურტისა და მარწყვისგან მომზადებული კრემი დაადეთ. ზედაპირი მოასწორეთ, დარჩენილი მარწყვით მორთეთ და გარკვეული ხნით კვლავ მაცივარში შედგით. სუფრაზე მიტანამდე „კედლები“ შემოხსენით და ტორტი ფრთხილად გადაიტანეთ ლანგარზე.
პიკანტური ტორტი ნამდვილად კარგი დელიკატესია, განსაკუთრებით ზაფხულში.
galanews.ge
იოგურტის ტორტი - რეცეპტი - კულინარია
⏱️ 1 წთ.
👁️ 1 563
100%