ინგრედიენტები:
250 გრ. ნაღები
50 გრ. თაფლი
60 გრ. უნალექო ყავა
600 გრ. შოკოლადი
50 გრ. კარაქი
200 გრ. თეთრი შოკოლადი
100 გრ. შაქარი
მომზადების წესი:
150 გრ. ნაღები წამოვადუღოთ 50 გრ. ყავასთან ერთად, 2-3წთ შევაგრილოთ და ძალიან წმინდა საცერში გავატაროთ. დავამატოთ დარჩენილი ნაღები. მიღებული მასა ხელახლა წამოვადუღოთ თაფლთან ერთად. თანდათან დავამატოთ წვრილად გახეხილი შოკოლადი. ავთქვიფოთ მანამ, სანამ შოკოლადი მთლიანად არ გაიხსნება. შევურიოთ კარაქიც.
ცომი დავასხათ პერგამენტით დაფარულ თუნუქის საცხობზე და 6-7 საათით შევდგათ მაცივარში. შემდეგ დავჭრათ 2×2 სმ. ზომის კუბიკებად და სველი ხელით ბურთულებად დავამრგვალოთ.
თეთრი შოკოლადი ფრთხილად გავადნოთ მდუღარე წყლის აბაზანაზე (წყალი ოდნავ უნდა დუღდეს). ტრიუფელები ჩანგლით ავიღოთ და შოკოლადში ამოვავლოთ. მომზადების დრო – 45 წთ. სცადეთ, ტრიუფელები ამოავლოთ ორჯერ თეთრ შოკოლადში. პირველი ამოვლების შემდეგ შოკოლადის გარსი უნდა გამაგრდეს. მხოლოდ ამის შემდეგ ამოავლეთ მეორედ. ბოლოს კი, შაქრისა და ყავის ნარევშიც ამოავლეთ.
galanews.ge
ყავისა და თაფლის ტრიუფელები - რეცეპტები - კულინარია
⏱️ 1 წთ.
👁️ 1 576
100%