(აქ მოცემულია მასალა, 25 ფენიანი ტორტისთვის. თქვენ შეგიძლიათ პროცენტულად შეამციროთ, გაყოთ 2 -ზე ან 3-ზე)
მასალა ცომისთვის:
კარაქი – 300 გრ.
მარგარინი – 200 გრ.
კვერცხი – 6 ც.
შაქარი – ნახევარი ჭიქა
თაფლი – 500 გრ.
სოდა – 3 ჩ. კ.
ფქვილი – 8-10 ჭ.
მასალა კრემისთვის:
არაჟანი (30%) – 1 800 – 2 000 გრ.
შაქარი – 3 ჭიქა
უნალექო ყავა – 1 ს. კ.
მდუღარე წყალი – 1 ს. კ.
მოხლილი ნიგოზი – 1 ჭ.
მომზადება:
1. დიდ ქვაბში, ცეცხლზე გაადნეთ თაფლი, კარაქი და მარგარინი > დაამატეთ სოდა > კარგად ათქვიფეთ მიქსერით > გადმოდგით ცეცხლიდან.
2. დაამატეთ კვერცხი თითო-თითო. ყოველი დამატების შემდეგ, კარგად ათქვიფეთ > დაამატეთ შაქარი და ისევ ათქვიფეთ > თანდათანობით შეათქვიფეთ ფქვილი. უნდა მიიღოთ, სქელი ცომი > გაყავით 25 – 30 ნაწილად.
3. თითოეული ნაწილი გააბრტყელეთ, ძალიან თხლად, პერგამენტის ქაღალდზე > დააფარეთ თეფში და გვერდები შემოაჭერით.
4. გაახურეთ ღუმელი 180 გრადუსზე და გამოაცხვეთ ფირფიტები. დაახლოებით, 4-5 წუთში ცხვება.
შეგიძლიათ, ერთდროულად 2 თუნუქის ფირფიტა შედგად ღუმელში და ორ დონეზე გამოაცხოთ.
5. ყავა გახსენით მდუღარე წყალში.
6. ერთმანეთს შეურიეთ არაჟანი და შაქარი > დაამატეთ ყავა > ათქვიფეთ მიქსერით.
7. დააბლენდერეთ ცალ-ცალკე ერთი გამომცხვარი ფენა და ნიგოზი.
8. შეაერთეთ ფენები კრემით > კარგად წაუსვით კრემი ზემოდან და გვერდებზე > გვერდებზე მიაყარეთ ფენის ნაფხვენი, ხოლო ზემოდან, ნიგოზი მოაყარეთ.
ავტორი: ლალი ადიკაშვილი
galanews.ge
ტორტი "პიზის კოშკი” - რეცეპტები - კულინარია
⏱️ 1 წთ.
👁️ 3 283
100%