ყავა ბევრი ჩვენგანის ცხოვრების თანამგზავრია. ფინჯანი ყავის გარეშე დღის დაწყება წარმოუდგენელიც კია ყავის მოყვარულთათვის. ყველას განსხვავებული და ინდივიდუალური გემოვნება აქვს და სხვადასხვა გემოს და მომზადების ხერხს ანიჭებენ უპირატესობას. როგორც იცით, გემრიელი ყავის მომზადება ბევრ ფაქტორზეა დამოკიდებული: ხარისხიანი ყავის მარცვლები, რომლებსაც უმჯობესი იქნება, თუ სახლში დაფქვავთ, ოთახის ტემპერატურის სუფთა წყალი, დუღილის დრო და სურვილისამებრ სხვა ინგრედიენტებიც.
გთავაზობთ უგემრიელესი და განსხვავებული ფრანგული ყავის რეცეპტს, რომელსაც სახლის პირობებშიც ადვილად მოამზადებთ.
დაგჭირდებათ:
1 ჩ/კ კონიაკი
1 ან 2 ჩ/კ ყავისფერი შაქარი (გემოვნების მიხედვით)
ცხელი ყავა
ათქვეფილი ნაღები
ღვინის სქელკედლებიანი ჭიქა ან ირლანდიული ყავის ჭიქა
კონიაკი და ყავისფერი შაქარი ჭიქაში მოათავსეთ და კარგად მოურიეთ.
კოვზი ჭიქაში ჩატოვეთ და ზედ დაასხით მოდუღებული ცხელი ყავა, რათა თავიდან აირიდოთ ჭიქის გატეხვა.
თავზე დაადეთ ათქვეფილი ნაღები.
galanews.ge
×