გულისრევა და პირღებინება არის ორსულობასთან დაკავშირებული ყველაზე ხშირი სიმპტომები და ის პირველ ტრიმესტრში ორსულთა 80-85 %-ში გვხვდება. ქალთა უმეტესობაში ეს სიმპტომები იწყება 7-8 კვირის თავზე და როგორც წესი სრულდება 16-20 კვირის შემდეგ.
ნორმალური ორსულობისას შეიძლება აღინიშნოს გულისრევა და ღებინება დღეში 1-2-ჯერ და ის არ მოქმედებს ორსულობის საერთო მდგომარეობაზე.
ტოქსიკოზს მიეკუთვნება ღებინება, რომელის აღინიშნება დღეში რამდენჯერმე. ეს არ არის დაკავშირებული საკვების მიღებასთან და იწვევს ორსულის ზოგადი მდგომარეობის გაუარესებას.
გამოყოფენ ღებინების მსუბუქ, საშუალო და მძიმე ფორმებს. ექსპერიმენტალური სამშობიარო სახლის ექიმი, ზურა ბართაია ფეხმძიმე ქალებს ურჩევს, რომ მსუბუქი ფორმის ღებინების მკურნალობა უნდა მოხდეს ამბოლატორიულად, რეკომენდირებულია მრავალფეროვანი, ადვილად ათვისებადი, ვიტამინებით გაჯერებული საკვები, რომლის მიღებაც უნდა მოხდეს ყოველ 2-3 საათში ერთხელ მცირე ულუფით, უმჯობესია მწოლიარე მდგომარეობაში. ასევე კარგია მინერალური ტუტე წყლების მიღება. რაც შეეხება ღებინების საშუალო და მძიმე ფორმას, ამ დროს საჭირო ხდება სტაციონალური მკურნალობა. იშვიათ შემთხვევაში, მძიმე ფორმის ღებინების დროს საჭირო ხდება ორსულობის შეწყვეტა.
მანანა კაცაძე
წყარო: eva.ge
×