რჩევები დედებისთვის, რომლებიც მუშაობენ

დღევანდელ დღეს კარგი სამსახური ფუფუნებაა. ბევრ დედას უწევეს საკუთარი პატარა დატოვოს ბებიასთან, ძიძასთან ან ბაღში და თავად დროის უმეტესი ნაწილი სამსახურში გაატაროს.
მიუხედავად იმისა რომ შვილს სანდო ადამინებთან ტოვებენ დედები მაინც შფოთავენ, ენატრებათ პატარები და ვერ ახერხებენ მათზე ზრუნვას.
გთავაზობთ რჩევებს, რომლებიც დაგეხმარებათ მომუშევე დედებს აანაზღაუროთ დეფიციტი, შეამციროთ შფოთვა და იყოთ შვილბთან უფრო ახლოს

1. გახსოვდეს, რომ ყველაზე საუკეთესო ბებიასაც კი არ შეუძლია შეუცვალოს დედა თქვენს შვილს. თქვენთან გატარებული დროის სიმცირის მიუხედავად პატარას ყველაზე მეტად მაინც თქვენ ეყვარებით.

2. თუ სამსახური საშუალებას გაძლევთ შეეცადეთ ხშირად დაურეკოთ და მოიკითხოთ თქვენი შვილი.

3. შეადგინეთ დღის გარფიკი ისე, რომ სამსახურში წასვლამდეც და საღამოსაც დაუთმოთ ბავშვს დრო. დილით ადექით უფრო ადრე, რათა ბავშვის გაღვიძებისთვის უკვე იყოთ მომზადებული (ნაჭამი, ჩაცმული) მცირეხნიანი თამაში ბავშვთან დაგმუხტავთ დადებითი ენერგიით, ბავშვი კი იქნება კმაყოფილი რომ დედამ სამსახურში წასვლის წინ მხოლოდ ლოყაზე არ აკოცა.

4. სამსახურიდან დაბრუნებისთანავე ნუ დაიწყებთ სახლის საქმეების კეთებას. გამოყავით საღამოს რამოდენიმე საათი ბავშვთან ურთიერთობისთვის, სათამაშოდ, დასაბანად და დასაძინებლად. ბავშვს აუცილებლად ექნება რაიმე სიახლე დედისთვის მოსაყოლი. მას შემდეგ რაც პატარას ძილის წინ მოუყვებით ზღაპარს და დააძინებთ მიუბრუნდით საოჯახო საქმეებს.

5. განსაკუთრებული ყურადღება მიაქციეთ დასვენების დღეებს. კარგი იქნება დაამკვიდროთ ერთობლივი სეირნობის ტრადიცია (თუ ასეთი ჯერ არ არის). ბავშვი სიხარულით დაელოდება შაბათ-კვირას, რადგან ის გაისეირნებს მშობლებთან ერთად ზოოპარკში, პარკში....

6. სამსახურში წასვლამდე დაუტოვეთ ბავშვს რაიმე სიურპრიზი. ეს შეიძლება იყოს ახალი სათამაშო, ლამაზი ვაშლი, საბავშვო ჟურნალი... ყველაფერი თქვენს ფანტაზიაზეა დამოკიდებული. ამით პატარა ასაკში ბავშვს მინიჭებთ სიხარულს, როცა ცოტა წამოიზრდება კი გაიგებს რომ დედისთვის მნიშვნელოვანია ის იყოს გახარებული და კარგ ხასიათზე

7. კარგი იქნება თუ მოიძიებთ თქვენი და ბავშვის ერთობლივ სურათს სადაც ორივე იღიმებით. ჩასვით სურათი ჩარჩოში და დადეთ ისეთ ადგილას სადაც ბავშვი ყველაზე ხშირად თამაშობს. სასიამოვნოა ბავშვისთვის თავისი თავის და დედიკოს ყურება.

8. ბავშვი არ უნდა გრძნობდეს დისკომფორტს როდესაც მასზე ზრუნავს სხვა. უთხარით ბებიას თუ ძიძას რა ჩვეულება აქვს მას, რა უყვარს, რა არ უყვარს. რაც უფრო მეტი ინფორმაცია ექნებათ ბავშვის შესახებ, მით უფრო უმტკივნეულოდ გადაიტანს პატარა თქვენს გარეშე გატარებულ დროს.

9. არასდროს გაუსვათ ბავშვთან ხაზი იმას რომ ის რჩება თქვენს გარეშე. პირიქით, ყოველთვის უთხარით რომ მიდიხართ სამსახურში, სადაც სულ მასზე ფიქრობთ და გიყვართ იგი. სხვა შემთხვევაში მას შეიძლება გაუჩნდეს შიში რომ დედა მიატოვებს.

10. სამსახურიდან დაბრუნებისას ყოველთვის კითხეთ ბავშვს როგორ გაატარა დღე, რას აკეთებდა. შეაქეთ წარმატებისთვის. ბოლომდე მოისმინეთ ახალი ლექსი თუ სიმღერა, დაათვალიერეთ ახალი ნახატები. ეს განამტკიცებს ბავშვის ცნობიერებაში ფაქტს რომ დედისთვის საინტერესოა მისი ყველა წარმატება, ამაყობთ, აფასებთ, უგებთ და გიყვართ იგი.

მთავარია ყოველთვის გახსოვდეთ: თქვენ ხართ საუკეთესო დედა თქვენი შვილისთვის. ამ აზრის გაცნობიერება კი დაგეხმარებათ რომ პროფესიონალურად შეასრულოთ დედის მოვალეობები. შეეცადეთ უმიზეზოდ არ შეჩერდეთ სამსახურში გვიანობამდე. გაიქეცით პატარასთან რომელიც ყოველთვის მოუთმენლად ელის თქვენს დაბრუნებას.