უკანასკნელი ოცი წლის განმავლობაში ტყუპების რიცხვმა აშშ-ში 74%-ით მოიმატა. ყოველი მესამე ამერიკელი იდენტურ დასთან ან ძმასთან ერთად ევლინება ქვეყნიერებას. ქართველებს არ დაგვითვლია. ასეა თუ ისე, ტყუპის მოვლა რომ ორმაგ (ზოგ შემთხვევაში – სამმაგ, ოთხმაგ...) ძალისხმევას მოითხოვს, მთელი მსოფლიოს დედები და მამები ერთხმად აღიარებენ.
ორმაგი სტანდარტი
ტყუპის კვება ბევრს გმირობად მიაჩნია, არც ცდება. წარმოიდგინეთ დედა, რომელიც ერთდროულად ორს აწოვებს ძუძუს. მესამე კი შესაძლოა ამ დროს საწოლში იწვეს და ტირილით იკლებდეს იქაურობას. მოდი და ნუ დაიწყებ ხელოვნურ კვებაზე ფიქრს... მაგრამ პედიატრები დაჟინებით მოითხოვენ, როგორც არ უნდა გაგიჭირდეთ, პატარებს ძუძუს წოვის სიხარულს ნუ მოაკლებთო. პატარა მშიერი არსება მოხერხებულად დაისკუპეთ ძუძუსთან, მისი ასლი კი დროებით მამას გადაულოცეთ და მშვიდად, რიგრიგობით გამოკვებეთ ღორმუცელები.
ორი პატარას ძუძუთი კვებასაც აქვს დადებითი მხარე: ლაქტაციის კანონის თანახმად, რაც უფრო მეტს მოწოვს ჩვილი, მით უფრო მეტი რძე ექნება დედას. ასე რომ, ორის ძუძუთი კვება ორჯერ მეტი რძის გარანტიაა!
ვბანაობთ, ვიცვამთ, ვიძინებთ
ორი თოთოს ერთად დაბანა, თვითონაც ხვდებით, უდიდესი გმირობაა, მაგრამ საკმარისია, ტყუპი წამოიზარდოს, რომ ჭყუმპალაობა ნამდვილ სიამოვნებად იქცევა.
რაც შეეხება ტანსაცმელს, თუ ბავშვები სხვადასხვა სქესის არიან, სავარაუდოდ, განსხვავებულ ტანსაცმელს ჩაიცვამენ, თუმცა თავდაპირველად არც ამგვარი ფერ-კოდირებაა აუცილებელი – ყვითელ, ნარინჯისფერ და თეთრ სამოსს ხომ გოგონაც და ბიჭუნაც ერთნაირად მოიხდენენ. შესაბამისად, არც იმის გარჩევაა საჭირო, რომელი ბოდი რომლისაა. მაგრამ წამოიჩიტებიან თუ არა ტყუპისცალები, აუცილებლად ერთმანეთისგან განსხვავებული ტანსაცმელი უნდა ჩააცვათ.
ყველაზე დიდი პრობლემა უძილობაა: ჯერ ერთი იღვიძებს, შემდეგ – მეორე, თანაც გაღვიძებასაც გააჩნია: რაც შეიძლება ხმამაღლა…
უძილობით გათანგულ მშობლებს ვურჩევთ, პატარები ერთდროულად დააძინონ ანუ მათი ძილის რეჟიმი ერთმანეთს დაამთხვიონ. როდესაც ერთი გაიღვიძებს და ჭამას მოგთხოვთ, მეორეც შეაღვიძეთ და აჭამეთ. ერთდროულად გამოუცვალეთ საფენიც.
იდენტური მეტრიკა, განსხვავებული ადამიანები
ტყუპებს მსგავს სახელებს არქმევენ ხოლმე, ერთნაირად აცმევს, ვარცხნის... ფსიქოლოგები კი მიიჩნევენ: ბავშვები დამოუკიდებელ, სრულფასოვან პიროვნებებად რომ ჩამოყალიბდნენ, მათ ინდივიდუალობას პამპერსებიდანვე უნდა გავუსვათ ხაზი:
დაარქვით პატარებს განსხვავებული სახელები (და არა “ანდრო-სანდრო” ან “ანა-ნანა”).
ყოველთვის სახელით მიმართეთ. ნუ დაუძახებთ: “ტყუპებო!”
წამოიზრდებიან თუ არა, განსხვავებული ტანსაცმელი უყიდეთ.
მათი ტანსაცმელი სხვადასხვა თაროზე დააწყვეთ.
ეცადეთ, განსხვავებული სათამაშოები უყიდოთ, მით უმეტეს, თუ პატარები სხვადასხვა სქესის არიან.
დაბადების დღეზე განსხვავებული საჩუქრები გაუკეთეთ.
რაც მთავარია, ეცადეთ, მათში განსხვავებული ინტერესები და შესაძლებლობები გამოარჩიოთ და მათ განვითარებაში დაეხმაროთ.
ორმაგი სტანდარტი
ტყუპის კვება ბევრს გმირობად მიაჩნია, არც ცდება. წარმოიდგინეთ დედა, რომელიც ერთდროულად ორს აწოვებს ძუძუს. მესამე კი შესაძლოა ამ დროს საწოლში იწვეს და ტირილით იკლებდეს იქაურობას. მოდი და ნუ დაიწყებ ხელოვნურ კვებაზე ფიქრს... მაგრამ პედიატრები დაჟინებით მოითხოვენ, როგორც არ უნდა გაგიჭირდეთ, პატარებს ძუძუს წოვის სიხარულს ნუ მოაკლებთო. პატარა მშიერი არსება მოხერხებულად დაისკუპეთ ძუძუსთან, მისი ასლი კი დროებით მამას გადაულოცეთ და მშვიდად, რიგრიგობით გამოკვებეთ ღორმუცელები.
ორი პატარას ძუძუთი კვებასაც აქვს დადებითი მხარე: ლაქტაციის კანონის თანახმად, რაც უფრო მეტს მოწოვს ჩვილი, მით უფრო მეტი რძე ექნება დედას. ასე რომ, ორის ძუძუთი კვება ორჯერ მეტი რძის გარანტიაა!
ვბანაობთ, ვიცვამთ, ვიძინებთ
ორი თოთოს ერთად დაბანა, თვითონაც ხვდებით, უდიდესი გმირობაა, მაგრამ საკმარისია, ტყუპი წამოიზარდოს, რომ ჭყუმპალაობა ნამდვილ სიამოვნებად იქცევა.
რაც შეეხება ტანსაცმელს, თუ ბავშვები სხვადასხვა სქესის არიან, სავარაუდოდ, განსხვავებულ ტანსაცმელს ჩაიცვამენ, თუმცა თავდაპირველად არც ამგვარი ფერ-კოდირებაა აუცილებელი – ყვითელ, ნარინჯისფერ და თეთრ სამოსს ხომ გოგონაც და ბიჭუნაც ერთნაირად მოიხდენენ. შესაბამისად, არც იმის გარჩევაა საჭირო, რომელი ბოდი რომლისაა. მაგრამ წამოიჩიტებიან თუ არა ტყუპისცალები, აუცილებლად ერთმანეთისგან განსხვავებული ტანსაცმელი უნდა ჩააცვათ.
ყველაზე დიდი პრობლემა უძილობაა: ჯერ ერთი იღვიძებს, შემდეგ – მეორე, თანაც გაღვიძებასაც გააჩნია: რაც შეიძლება ხმამაღლა…
უძილობით გათანგულ მშობლებს ვურჩევთ, პატარები ერთდროულად დააძინონ ანუ მათი ძილის რეჟიმი ერთმანეთს დაამთხვიონ. როდესაც ერთი გაიღვიძებს და ჭამას მოგთხოვთ, მეორეც შეაღვიძეთ და აჭამეთ. ერთდროულად გამოუცვალეთ საფენიც.
იდენტური მეტრიკა, განსხვავებული ადამიანები
ტყუპებს მსგავს სახელებს არქმევენ ხოლმე, ერთნაირად აცმევს, ვარცხნის... ფსიქოლოგები კი მიიჩნევენ: ბავშვები დამოუკიდებელ, სრულფასოვან პიროვნებებად რომ ჩამოყალიბდნენ, მათ ინდივიდუალობას პამპერსებიდანვე უნდა გავუსვათ ხაზი:
დაარქვით პატარებს განსხვავებული სახელები (და არა “ანდრო-სანდრო” ან “ანა-ნანა”).
ყოველთვის სახელით მიმართეთ. ნუ დაუძახებთ: “ტყუპებო!”
წამოიზრდებიან თუ არა, განსხვავებული ტანსაცმელი უყიდეთ.
მათი ტანსაცმელი სხვადასხვა თაროზე დააწყვეთ.
ეცადეთ, განსხვავებული სათამაშოები უყიდოთ, მით უმეტეს, თუ პატარები სხვადასხვა სქესის არიან.
დაბადების დღეზე განსხვავებული საჩუქრები გაუკეთეთ.
რაც მთავარია, ეცადეთ, მათში განსხვავებული ინტერესები და შესაძლებლობები გამოარჩიოთ და მათ განვითარებაში დაეხმაროთ.