ალბათ ყველას სმენია ასეთი ფრაზა - „ახალშობილის სუნი“. როგორც აღმოჩნდა, ამ ყოველივეს თავისი ახსნა აქვს. გათვითცნობიერებულად ხდება თუ არა, პირველი რასაც ვაკეთებთ, ახალშობილის ხელში აყვანისას, მის „სურნელს ვისუნთქავთ“.
ბავშვებს ბუნებრივად კარგი სუნი ასდით. რა თქმა უნდა ეს ყოველივე სხვადასხვა არომატებისა და ტანისამოსის ბრალი არ არის - ეს უბრალოდ ახალშობილის სურნელია. მოგვიანებით კი ახალშობილები იზრდებიან და ისევე, როგორც ნებისმიერი ზრდასრული ადამიანი, საკუთარ სურნელს ხელოვნური მეთოდებით ანაცვლებენ. მაგრამ რატომ აქვთ ახალშობილებს ასეთი სასიამოვნო სუნი? როგორც სხვადასხვა კვლევებმა დაადგინეს, „ახალშობილის სურნელი“ - ეს მითი არ არის, ეს რეალობაა.
ექსპერიმენტის ფარგლებში, მეცნიერებმა 30 ქალბატონის ტვინის რეაგირება გამოიკვლიეს, რომლებსაც ექსპერიმენტის ფარგლებში ახალშობილის საღამურისთვის უნდა ეყნოსათ. ამ ქალბატონების ნაწილს, პირველი შვილი უკვე ჰყავდათ, მეორე ნაწილს კი შვილები საერთოდ არ ჰყავდა. შედეგები გამაოგნებელი აღმოჩნდა!
მეცნიერებმა დაადგინეს, რომ მიუხედავად იმისა, ქალს ჰყავდა თუ არა შვილი, ახალშობილის სუნის შეყნოსვისას, მათი ტვინი გამოიმუშავებს ჰორმონ დოფამინს, რაც კმაყოფილების გრძნობას იწვევს. ეს ჰორმონი სხვადასხვა სასიამოვნო შეგრძნებებისას გამომუშავდება - სექსის დროს, გემრიელი საკვების მირთმევისას და ასევე, ნარკოტიკის მიღების დროსაც კი.
მეცნიერები მიიჩნევენ, რომ, შესაძლოა, ამ სურნელის შეგრძნობისას, ქალებში დედობრივი ინსტინქტი იღვიძებს.
მაგრამ როგორ მოქმედებს ახალშობილთა სუნი მამაკაცებზე? მეცნიერები ჯერჯერობით ამ კითხვაზე პასუხს ვერ სცემენ.
people.ge
„ახალშობილთა სუნი“ - მითი თუ რეალობა? ძალიან მოულოდნელი პასუხი
⏱️ 1 წთ.
👁️ 26 704
100%